Popular Bible Verses from Prediker 7

Share

Moenie in jou gees haastig wees om jou te vererg nie, want verdriet is tuis op die skoot van dwase.

As dit die dag goed gaan, geniet die voorspoed, maar as dit die dag sleg gaan, besef: Ook hierdie dag het God gemaak net soos daardie een; gevolglik kan die mens nie enigiets ontdek wat in die toekoms wag nie.

Die einde van 'n saak is beter as die begin daarvan; iemand wat lankmoedig is, is beter as iemand wat hoogmoedig is.

want daar is geen mens op aarde wat regverdig is, wat aanhou goed doen en nie sondig nie.

want die wysheid bied beskutting. Geld bied beskutting, maar die voordeel daarvan om die wysheid te ken, is: Die wysheid hou dié wat haar besit, lewend.

'n Goeie naam is beter as goeie reukolie, en die sterfdag as die geboortedag.

Dit is beter om te luister na die vermaning van 'n wyse, as wanneer iemand luister na die lied van dwase.

Dit is beter om te gaan na 'n huis waar gerou word, as om te gaan na 'n huis waar fees gevier word; want in 'n huis waar gerou word, eindig alle mense, en die lewende moet dit ter harte neem.

Die hart van wyses is in 'n huis waar gerou word, maar die hart van dwase is in 'n huis waar plesier is.