Popular Bible Verses from यूहन्ना 19

Share

येशू उटा चाखल्कै आर कहैल्कै, “पुरा भ्यागेलै” आर ऊ आपन मुडा झुक्याके मरि गेलै।

एकरबाद येशू यी जानीके कि ऊ आपन सभे काम पुरा करिदेल्कै छे ऊ धरमशास्त्रके बात पुरा है कहिके कहैल्कै, “हमरा प्यास लाग्लै छे।”

जब येशू आपन मयाँके आर ओकर प्रेम कैल चेलाके नज्दिकमे खडा भेल देखल्कै, तब ऊ आपन मयाँके कहैल्कै, “हे मयाँ, देख! यी तोर बेटा छौ!” तब ऊ चेलाके भी येशू कहैल्कै, “देख! यी तोर मयाँ छौ।” आर उहे दिनसे ऊ चेला येशूके मयाँ मरियमके आपन घरमे ल्यागेलै आर ओकर देखभाल कैल्कै।

जब ऊसब येशूके लगत ऐलै ऊसब देखल्कै, कि ओकर मौत पहलहै भ्यागेलै रहे, सेल्याके ऊसब ओकर पैर नैतोडल्कै। मगर एकटा सिपाही ओकर पाँजरमे भाला भोकी देल्कै, आर तुरन्ते ओकरासे खून आर पानी निक्ले लाग्लै।

यी बातसब इहे ल्याके भेलै ताकी धरमशास्त्रमे जे लिख्ल छै उटा सच भ्याजै, “ओकर एक्कोटा हड्डी भी नै टुट्तै।” आर फेर दोसर जगहमे धरमशास्त्र एरं कहैछै, “जकरा ऊसब भोकल्कै छे, ऊसब ओकरा देख्तै।”

ऊसब येशूके आपन क्रूस आपनहैं उठवैल्कै आर ओकरा यरूशलेम सहरसे बाहार “खोपडीके स्थान” नामके जगहमे ल्यागेलै, जे जगहके हिब्रू भाषामे “गलगथा” कहैछै।

कोडा लगैलके बाद सिपाहीसब येशूके काँटके मकुट आर बैगनी रंगके राजाके लगाबेवाला जुगुर कपडा पिन्हया देल्कै