Popular Bible Verses from लूका 6

Share

दोसरके दहैं तब परमेश्वर भी तोरासिके देतौ। आदमीसब बहुते दाबी-दाबीके आर हिल्या-हिल्याके हेराबै जेरं तोरसिके झोलामे ढारी देतौ। कहिनेकी जे नापसे तुहेंसब दोसरके देभैं, उहे नापसे तहुँसब भी पैभैं।

एकटा बढियाँ आदमी एकटा बढियाँ मनके खजानासे बढियाँ चीज ही निकालैछै, आर एकटा खराब आदमी एकटा खराब मनके खजानासे खराबे चीज निकालैछै। कहिनेकी जे बातसे हृदय भर्ल छै, उहे बात आदमी बोलैछै।

मगर तुहेंसब आपन दुश्मनसिसे प्रेम कर, ओकरसिके भलाइ कर आर फेर वापस पाबैके आशा नैराखिके पैंच-उधार दहैं। तब तोरा बडका इनाम मिल्तौ आर तुहेंसब परमप्रधान परमेश्वरके बेटाबेटी कहलैभैं। कहिनेकी परमेश्वर उपकार नैमानेवालासब आर खराब आदमीसिपर भी कृपा करैछै।

जेरंके तोरसिके परमेश्वर पिता दयालु छौ, ओहिने तहुँसब दयालु बन।

दोसरके दोष नैलगा आर परमेश्वर भी तोरासिके दोष नैलगैतौ। दोसरके गल्ती खोजेवाला काम नैकर आर परमेश्वर भी तोरसिके गल्ती नै खोज्तौ। दोसरके माफ कर आर परमेश्वर भी तोरासिके माफ कर्तौ।

मगर हमर शिक्षा सुनेवाला तोरासिके कहैछियौ, आपन दुश्मनसिके प्रेम कर, आर जे तोरासे घृणा करैछौ ओकर भलाइ कर। जे तोरा सराप दैछौ, ओकरा आशीर्वाद दहैं, जे तोरासे खराब व्यवहार करैछौ, ओकर लिए प्रार्थना कर।

आदमीसब तोरसिसे जेरं व्यवहार करौ कहिके तुहेंसब चाहैछैं, तहुँसब ओकरसिके संगे ओहिने व्यवहार कर।

कोय तोरा एकटा गालमे थप्पड मारैछौ ते तोरा मारेवाला आदमीके तोर दोसर गालमे भी मारैले दहैं आर तोर कोट छिनेवाला आदमीके तोर कमिज भी लजाबैले दहैं। यदि कोय तोरासे कुछु माँगैछौ ते, उटा ओकरा दहैं आर यदि कोय तोरासे कोनो चीज लेल्कौ छे ते ओकरासे वापस नैमाँग।

बढियाँ गाछमे खराब फल नैफरैछै, आर नैते खराब गाछमे बढियाँ फल फरैछै।

हरेक गाछके ओकर फलसे चिन्हल जैछै। आदमी काँटके गाछसे अन्जीर या अंगुरके फल नैतोडे सकैछै।