Popular Bible Verses from लूका 7

Share

सेल्याके, हमे तोरा कहैछियौ, बहुते पापसब जे यी कैल्कै छे, उटा सभे माफ भेलै छे। कहिनेकी यी जनानी बहुते प्रेम देखैल्कै छे। मगर जकर पापसब कम माफ भेलै छे, ऊ कम प्रेम करैछै।” तब येशू ऊ जनानीके कहैल्कै, “तोर पापसब माफ भेलौ छे।”

येशू ऊ जनानीके कहैल्कै, “परमेश्वर तोरा बचैल्कौ छे कहिनेकी तुहें हमरापर भरोसा कैल्हैं छे, तुहें कुशलसे जो।”

तब पाछु महरसे आबिके ऊ जनानी येशूके पैरी लगत खडा भेलै आर कान्ते येशूके पैर लोरसे धोय देल्कै। तकरबाद ऊ आपन मथाके केशसे ओकर पैरके पोछे लाग्लै आर पैरके बारबार चुमते हुए ऊ गमकौव्वा तेल लगाबे लाग्लै।

सेल्याके हमे अपने आपके भी तोरलगत आबैके योग्यके नै सम्झलियै, मगर खाली वचन कहिदेभ ते हमर नोकर ठीक भ्याजैतै। हमे यी बुझैछियै कहिनेकी हम्हुँ अधिकारीसिके अधिनमे छियै, आर हमर अधिनमे सिपाहीसब छै। हमे एकटा नोकरके ‘जो’ कहैछियै ते ऊ जैछै आर दोसर नोकरके ‘या’ कहैछियै ते ऊ आबैछै। हमर नोकरके ‘एरं कर’ कहैछियै आर ऊ ओहिने करैछै।” यी बात सुनिके येशू आश्चर्य-चकित भेलै आर ओकर पाछु आबेवाला आदमीसिके घुमिके कहैल्कै, “हमे तोरासिके कहैछियौ, हमरा पुरा इस्राएलीसिके बीचमे एक्कोटा एरंको आदमी नैमिल्लै, जे यी गैर-यहूदी आदमीके जुगुर हमरापर विश्वास करैछै।”

तखनिहैं येशू बहुते रोगी, बेमारी आर भूत लाग्ल आदमीसिके छुटकारा देल्कै आर बहुते अनराहसिके आँख देल्कै। तब ऊ ओकरासिके कहैल्कै, “तुहेंसब जे देख्लहैं आर सुन्लहैं, जैके यूहन्नाके कहिदहैं कि अनराह आदमीसब देखैछै, नेंग्डा आदमीसब लरैछै, कुष्ठरोगी आदमीसब ठीक हैछै, बहिर आदमीसब सुने लाग्लै छे, मुर्दासब जिन्दा भ्याके उठैछै आर गरिब आदमीसिके खुश-खबरीके प्रचार कैल जैछै।