Popular Bible Verses from लूका 8

Share

बढियाँ जमिनमे पडेवाला बिहन ऊ आदमीसब छै, जेसब वचन सुनैछै आर आज्ञाकारी भ्याके सुन्ल परमेश्वरके वचनके निष्कपट आर भला हृदयमे ओकरा जोग्याके राखैछै आर धीरजके साथ समयमे फल फराबैछै।”

काँटके झौंकीसिके बीचमे बुन्ल बिहन ऊ एरंको आदमी छै, जे परमेश्वरके वचन सुनिके भी यी संसारके चिन्ता-फिकिर करैछै आर धन-दौलतके मोह-मायामे फसैछै। आर ओकरसिके जीवनमे वचनके बढैसे रोकी दैछै। एरंको आदमी परमेश्वरके वचन मुताबिक नैजिये सकैछै।

पत्थलवाला जमिनमे पडेवाला बिहन ऊ आदमीसब छै, जेसब परमेश्वर वचन सुनिके खुशीके साथ तुरन्ते स्वीकार करैछै, मगर ऊसब परमेश्वरके वचनके आपन दिलके गहराईसे बढैले नैदियैके कारणसे कुछु दिनके लिए ऊसब विश्वास करैछै, मगर परीक्षाके समयमे ऊसब विश्वास करैले छोडी दैछै।

येशू चेलासिके कहैल्कै, “तोरसिके विश्वास कते गेलौ?” ऊसब आश्चर्य-चकित भ्यागेलै, ओकर शक्ति देखिके डरैते एक दोसरके कहे लाग्लै, “यी केरंको आदमी छै? ओकर धोप्लके बाद अन्हर-तूफान आर समुन्दर भी एकर हुकुम मानैछै।”

रस्तामे खस्ल बिहनके मतलब छै कि ऊसब परमेश्वरके वचन सुनैछै, मगर परमेश्वरके वचन सुनिके आपन मनमे नैराखे सकैछै, कारण ऊसब परमेश्वरमे विश्वास करिके उद्धार नैपाबे सकै कहिके शैतान तुरन्ते आबैछै आर ओकरासिके उटा सभे बात भूल्या दैछै जेटा ऊसब सुनल्कै रहे।

जे चीज झाँप्ल छै, उटा उघार्ल जैतै, आर हरेक गुपचुपवाला बात प्रकट कैल जैतै।

आब अपने आपके नुक्याके राखे नैसक्बै कहिके ऊ जनानी डरसे काँप्ते ऐलै आर ओकर पैरीमे गोड लागल्कै। आर कहिने ऊ येशूके छुल्कै, आर केरंके तुरन्ते ऊ ठीक भ्यागेलै, से बात सभे आदमीसिके समनामे बतैल्कै। येशू ओकरा कहैल्कै, “हे बेटी हमे तोरा ठीक कैलियौ कहिनेकी तुहें हमरापर विश्वास कैल्हैं, कुशलसे जो।”

तब चेलासब येशूके लगत आबिके एरं कहते उठैल्कै, “गुरुजी, गुरुजी अपनासब डुबे लाग्लियै।” यी बात सुनिके येशू उठ्लै आर अन्हर-तूफानके प्रचण्ड लहरके धोपल्कै। तब तखनिहैं अन्हर-तूफान थम्लै आर सभे शान्त भेलै।