Popular Bible Verses from Imizekeliso 2

Share

Ngokuba UYEHOVA esipa ubulumko; ukwazi nokuqonda kuvela emlonyeni wake.

NYANA wam! ukuba uya kwamkela iziteto zam, uyibekele kuwe nemiyalelo yam; ukuze unikele indlebe yako ebulumkweni, utobele intliziyo yako ekuqondeni; ewe, ukuba uya kubiza ingqondo, upakamisele ilizwi lako ingqiqo; ukuba uya kubufuna njengesilivere, ubupengulule njengendyebo eziselelweyo; uya kwandul’ ukuqonda ukwoyikwa KUKAYEHOVA, ufumane ukwaziwa KUKATIXO.

Uyabekelela abalungileyo usizo; ulikaka kwabalungisa ukuhamba kwabo: aze alinde indlela zobugwebo, agcine umendo wabangcwele bake.

Ngokuba abayinene beya kuma umhlaba, nabafezekileyo beya kusala kuwo. Kodwa abakohlakeleyo baya kunqanyulwa emhlabeni, nabenzayo ngobuxoki baya kudonyulwa kuwo.

ukuba usindiswe kuye umfazi wasemzini, kulowo ungaziwayo, ozenza butelezi iziteto zake; oshiyayo umhlobo wobutsha bake, alibale ucebano LWOTIXO wake.