Popular Bible Verses from Shıǵıw 15

Share

Jaratqan Iye olarǵa bılay dedi: – Eger sizler Qudayıńız Jaratqan Iyeniń, yaǵnıy Meniń sózimdi dıqqat penen tıńlap, názerimde tuwrı bolǵan islerdi isleseńler, buyrıqlarıma qulaq asıp, hámme qaǵıydalarımdı orınlasańlar, mısırlılarǵa bergen keselliktiń hesh birin sizlerge bermeymen. Sebebi Men – sizlerge shıpa beriwshi Jaratqan Iyemen.

Jaratqan Iye kúsh-qúdiretim meniń, Qutqarıwǵa keldi Ol meni, Ol meniń Qudayım. Alǵıslar aytaman Oǵan, Ol meniń ákemniń Qudayı, Ullılayman Onı men.

Jaratqan Iye, qudaylar arasında Saǵan uqsaǵanı bar ma? Sen sıyaqlı muxaddeslikte ullı, aybatı menen alǵısqa ılayıq bolǵan, Káramatlar jaratıwshı bar ma?

Óziń qutqarǵan xalqıńdı, Jetelediń súyispenshiligiń menen, Alıp bardıń qúdiretiń menen muxaddes mákanıńa.

Sońınan olar Mara degen jerge bardı. Biraq Maranıń suwı ashshı bolǵanlıqtan, olar ishe almadı. Sonlıqtan sol jer Mara dep ataldı. Sonda xalıq Muwsaǵa: «Ne ishemiz?» – dep narazı bolıp, tońqılday basladı. Muwsa Jaratqan Iyege jalbarındı. Jaratqan Iye oǵan bir aǵashtı kórsetti. Muwsa onı suwǵa ılaqtırıp jibergende, suw dushshı bolıp qaldı. Sol jerde Jaratqan Iye xalıq ushın qaǵıyda hám nızam berdi hám olardı sınadı.