Popular Bible Verses from Shıǵıw 2

Share

Quday olardıń nalaların esitip, Óziniń Ibrayım, Ísaq hám Yaqıp penen dúzgen kelisimin eske túsirdi. Quday izraillılardıń awhalın kórip, olardı ayadı.

Aradan uzaq waqıt ótkennen soń, Mısır patshası óldi. Izraillılar ele qulshılıqtan nala shegip, dad salıp atırǵan edi. Olardıń qulshılıq sebepli salǵan dadı Qudayǵa jetip bardı.

Bala az-maz óskennen keyin, hayal onı faraonnıń qızına alıp keldi. Faraonnıń qızı balanı asırap aldı hám «Onı suwdan shıǵarıp aldım», – dep, balanıń atın Muwsa qoydı.

Faraonnıń qızı hayalǵa: – Mına balanı alıp, maǵan emizip ber, xızmet haqıńdı tóleymen, – dedi. Hayal balanı alıp, emizdi.

Sonda faraonnıń qızı shomılıw ushın dáryaǵa keldi. Al onıń shorıları dárya jaǵasında júrgen edi. Faraonnıń qızı qamıslıqtıń arasında turǵan sebetti kórip qalıp, onı ákeliw ushın shorısın jiberdi.

Muwsa erjetkennen soń, bir kúni óz xalqına barıp, olardıń awır jumıs islep atırǵanın kórdi. Sonda óz xalqınan bolǵan bir evreydi bir mısırlınıń urıp atırǵanına kózi túsip ketti. Muwsa átirapına názer taslap, hesh kimniń joq ekenin kórgende, mısırlını óltirip, onı qumǵa kómip jasırdı.