Popular Bible Verses from Shıǵıw 20

Share

– Men – seni Mısırdan, qul bolǵan jerińnen alıp shıqqan Qudayıń Jaratqan Iyemen. Seniń Mennen basqa qudaylarıń bolmasın.

Joqarıdaǵı aspanda, tómendegi jer júzinde hám jer astındaǵı suwlarda bolǵan hesh bir nárseniń kórinisin soǵıp, ózińe but jasama. Olarǵa tabınba hám xızmet qılma. Sebebi Men – seniń Qudayıń Jaratqan Iye, qızǵanıwshı Qudayman. Meni jek kórgenlerdi ákesiniń gúnası ushın balaların, olardıń úshinshi, tórtinshi áwladına shekem jazalayman.

Ata-anańdı húrmetle. Sonda Qudayıń Jaratqan Iyeniń saǵan beretuǵın jerinde ómiriń uzaq boladı.

Shabbat kúnin muxaddes tutıwdı este saqla.

Qudayıń Jaratqan Iyeniń atın jónsiz tilińe alma. Óytkeni Jaratqan Iye Óziniń atın bosqa tilge alǵanlardı jazasız qaldırmaydı.

Altı kún jumıs islep, barlıq islerińdi isle. Al jetinshi kún Maǵan, Qudayıń Jaratqan Iyege arnalǵan Shabbat kúni. Sol kúni hesh qanday is qılma. Ulıń da, qızıń da, qulıń da, shorıń da, mallarıń da, arańızdaǵı kelgindi adam da hesh qanday is qılmasın.

Hesh bir adamnıń úyin kúseme. Onıń hayalın, qulın, shorısın, ógizin, eshegin, hesh bir nársesin kúseme.

Hesh kimge qarsı jalǵan gúwalıq berme.

Neke hadallıǵın buzba.

Adam óltirme.

Urlıq isleme.