Popular Bible Verses from Jaratılıs 32

Share

Sonda Ol adam: – Bunnan bılay, sen Yaqıp emes, al Izrail dep atalasań. Óytkeni sen Quday hám adamlar menen gúresip, jeńip shıqtıń, – dedi.

Sonda Ol adam: – Meni jiber, tań atıp kiyatır, – dedi. Biraq Yaqıp Oǵan: – Maǵan pátiyańdı bermegenińshe, Seni jibermeymen! – dedi.

Keyin Yaqıp jalǵız ózi qaldı. Sonda bir adam onıń menen tań atqansha gúresti.

Yaqıp: «Men Qudaydı júzbe-júz kórdim, biraq tiri qaldım», – dep sol jerdi Penuel dep atadı.

Ol Yaqıptı jeńe almaytuǵının bilgende, Yaqıptıń jambasına urıp jiberdi hám onıń jambas súyegi shıǵıp ketti.

Ol adam Yaqıptan: – Atıń kim? – dep soradı. Ol: – Yaqıp, – dep juwap berdi.

Yaqıp Oǵan: – Ótinish, atıńızdı aytıńız? – dedi. Biraq Ol adam: – Ne ushın Meniń atımdı sorap atırsań? – dedi. Sońınan Ol sol jerde Yaqıpqa pátiyasın berdi.

Mendey qulıńa kórsetken barlıq jaqsılıǵıńa hám sadıqlıǵıńa ılayıqlı emespen. Men Iordan dáryasın kesip ótkenimde, tayaǵımnan basqa hesh nársem joq edi. Endi bolsa, eki topar bolıp qayttım.

Yaqıptıń jambas súyegindegi sińiri zaqım kórgenlikten, izraillılar usı kúnge deyin jambas súyektiń sińirin jemeydi.

Sońınan Yaqıp bılay dep duwa etti: «Atam Ibrayımnıń hám ákem Ísaqtıń Quday Iyesi! Sen maǵan: „Óz elińe hám tuwǵan-tuwısqanlarıńa qayt, Men saǵan jaqsılıq qılaman“, – degen ediń.

Jalbarınaman, meni ájaǵam Esawdan qorǵa! Óytkeni men onıń kelip, meni hám meniń balalarımdı anaları menen birge óltiriwinen qorqaman.