Popular Bible Verses from लूका 22

Share

“ओ़ याहप, राहङगी थुला येहसीमाना दि स्‍याहलु ङाह ङो़ले फार जे नाङदोङ। यिहॱनाङ, ङाहगी सेमला ने़क्‍यो ल़ेहमु मिहम्‍बा, याहपगी थुला ठुङग्‍यो ल़ेहमुराङ तेहन्‍दा डुप्‍च्‍यु!” सुङदी सोल्‍वाङ ताप नाङसीन।

यिहॱनाङ ख्‍येगी तेहपा माहतोर्च्‍यु म़ेदी ङाहगी सोल्‍वाङ ताप्‍ते येह। ख्‍ये येहपाराङ ङाह ङो़ले लो़ह फान्‍ज्‍यो ख्‍येती नो़हया़ला तेहपाला स्‍युक छ्यिम्‍बु जे़दोङ” म़ेदी येशूगी सुङ नाङसीन।

ओ़ह तिङले येशूगी खुरा ल़ेहन नाङसीन ओहले किन्‍ज्‍योला थुज्‍यी-छ्ये़ फुल्‍दी खुरा च्‍या़दी खुङया़ला नाङदी सुङ नाङसीन, “ख्‍याया़ला तेरक्‍योगी दि ङाहगी ज़ुबु यिहम्‍बा। ता़ह यिहन्‍ज्‍यु ङाहला टेहम्‍बा साल्‍ज्‍येला दि ल़ेहमु पेहती सोह।”

ओहले डेन छ्ये सिहन फान्‍ज्‍यो येशूगी येहपाराङ स्‍याहलु नोम्‍दे सुङ नाङसीन, “दि स्‍याहलु ङाहगी ठा़ला ज़्‍या़क्‍योगी साम्‍बा ताहम्‍ज्‍या यिहम्‍बा। दि ठा़ ख्‍याया़गी तेहन्‍दाला स्‍याहल च्‍य़ूदी येह।

येशूगी थु ज्‍यिबुराङ ङ्युङदी येहकें यिहॱनाङ येशूगी तोहरोङॱआङ माहङबु सोल्‍वाङ ताप नाङसीन, ओहजेला येशूगी ङुल्‍ज्‍यु ठा़गी थी़बा ल़ेहमुराङ साला ताहप्‍सीन।]

ख्‍या नाहङदुङ दि ल़ेहमु ओहङज्‍ये मेहयोहङगे। ख्‍या नाहङला थाम्‍ज्‍यी म़ेदी का़हन्‍दी छ्यिम्‍बु येहबा ओ़हदी थाम्‍ज्‍यी म़ेदी फेमा ल़ेहमु पेहती तेह कोहएँ, ओहले गोबा ओहङज्‍ये सेम पेहकेनया़गी योक्‍पुकी ल़ेहमुराङ पेहती स्‍याहप्‍तो स्‍युह कोहएँ।

ओहले येशूगी, “पत्रुस, माज्‍ये मानानी, नाहङबार ङाटु च्‍याहबु क़े तेन्‍गे म़ेदी तोहङलेराङ ख्‍येगी लेहमा सुम थु ङाहला ङोह मे़हस्‍येएँ म़ेदी माज्‍ये येह!” म़ेदी सुङ नाङसीन।