Popular Bible Verses from लुका 13

Share

“हेःरढारि बिॽबिॽपा लम्‍भॆरॆङ्‌माबाङ् निवाँहाङ्‌मि हाङ्‌डाम् हङ्‌सि भॆम्‍मा यगानॆ, मान्‍ठाभनॆ कॆ आन्‍ना लोकानि, डिरिक् याॽमिचि भॆम्‍मा यगुक्‍मि, टर भॆन्‍हिमिनि।

आक्‍कुबि एक्‍क मेॽनुङ्‌मा चुआ। खो एपङ्‌बा निङ्‌बाङ् खारिक्‍माङ्‌ऎ खक्‍खक् पिखॆॽमिम्‍पा लॆटा हाङ् खो मिःक्‍म सङ्‌क खिङ्‌खिङ् लॆःॽमा माहेयुङ्‌सु। येसुऎ आक्‍क मेॽनुङ्‌मा खाङ्‌टकु हाङ् खोम् कॆक्‍पि सेःरु हाङ् लोसु, “आनामि टुक्‍मावाबाङ् नुबक्‍खाराना।”

येसुऎ टाङ्‌पाम् हुक् आक्‍क मेॽनुङ्‌मामि खक्‍खक् लॆऎ डॆङ्‌कॽवाबि युङु, हाङ् आक्‍रलॽन मेॽनुङ्‌मा खिङ्‌खिङ् लॆपका हाङ् निवाँहाङ्‌मि निङ् ठेप्‍पकु।

हाङ् ग वाप्‍याकाम्‍नॆ, गरक्‍ल योम्‍पक् पिक्‍खुबा लोमिम्‍पाचि डॆङ्‌पि योम्‍पक् आपिक्‍खुबा लिक्‍मि, हाङ् गरक्‍ल योम्‍पक् आपिक्‍खुबाचि चाइ डॆङ्‌पि योम्‍पक् पिक्‍खुबा लिक्‍मि।”

हङ्‌सिॽयु भॆम्‍मॆ लः लुक्‍खॆहाङ् खिम्‍पिऎ टुङ्‌घङ्‌पाऎ लम्‍भॆरॆङ्‌मा सॆक्‍ठाङ्‌कु, हाङ् आन्‍ना चाइ ओम्‍फुबाङ्, ‘टङ्‌घङ्‌पो, काङ्‌कामि लागि लम्‍भॆरॆङ्‌मा हेम्‍बक्‍पिच्‍चिमॆ’ काकानि। हाङ् खोसॆ आन्‍ना गर लोकानि, ‘आन्‍ना हाम्‍पा टाडानिहा कॆ आन्‍ना लेसानिनि।’

कॆ आन्‍ना लोकानि, आक्‍र हॆॽनॆ, टर आन्‍नॆ सङ्‌क टाङ्‌पाम् हिङ्‌वा मिॽलासे निवाँहाङ्‌पि निवाँ माऎनाम्‍नि हाङ्‌ग आक्‍रहाङ्‌न सिखॆकानि।”

होइखेप्‍पा स खोसॆ आक्‍खाचि लोकुचि, ‘चाइबान कॆ आन्‍ना लोकानि, आन्‍ना हाबा टाडानिहा कॆ लेसानिनि। काइसा योम्‍पक् मुखुबा आन्‍ना काबाङ् खाइहाङ् इट्‌टानॆ।’

हाङ् येसुऎ लोसु, “निवाँहाङ्‌मि हाङ्‌डाम् मान्‍टऎर कामानुङ् कॆ माङ् नुङ् ङॆॽमॆ? ग एक्‍क रायो साघामि चारिक् रक्‍मान, आक्‍क एक्‍क याॽमिऎ खोम् कठॆबारिबि लिरु, हाङ् आक्‍क पुबक्‍से सिङ् रकॆन लिबका हाङ् आक्‍कमि हाँगाबिगाबि सवाँचिऎ हाब्‍बाङ् हेबुचि।”