Popular Bible Verses from लुका 12

Share

आक्‍रक्‍न आन्‍ना स चेन्‍टुबाङ् याॽमिचिर पेनानॆ। काङा याॽमिमि पासा आन्‍नॆ मामिॽलाम्‍पा लबि टाःॽङा।”

याॽल निवाँहाङ्‌मि हाङ्‌डाम् यगानॆ हाङ् खोसॆ चोब्‍न ठका येट्‌टिकानि।”

हाङ् खोसॆ आक्‍कुबि खोम्‍टि खॆॽमिम्‍पा चोब्‍न याॽमिचि लोसुचि, “काम्‍नुःर पेनानॆ। चोब्‍न खालाहा कङ्‌माबाङ् मिउन पेनानॆ, मान्‍ठाभनॆ याॽमिमि हिङ्‌खामा उम् चासुम्‍पि लिनि।”

मान्‍ठाभनॆ हाबि आन्‍नामि चासुम् लि, मुबिॽन आन्‍नामि निवाँ सङ्‌क लि।”

निवाँ यामुकानि हाङ् आन्‍नॆ आसॆ आम्‍नि हिङ्‌चामॆ डिना येप्‍हिकाम्‍नॆ?

आक्‍क डॆङ्‌पि येसुऎ टिङ्‌खुबाचि लोसुचि, “मसॆ हिङ्‌चामाम् लागि माङ् चामॆ हाङ् सालुङ्‌मि लागि माङ् चाङ्‌मॆ कामानुङ् आमिनानॆ।

हाङ् आन्‍नाम् ग झाना निवाँहाङ्ऎ आन्‍नाम् निङ्‌टॽवाबि चुहा एक्‍क एक्‍क टाङाक् सङ्‌क ङॆःप्‍डु। मसॆ आन्‍ना आकिसिआनॆ, मान्‍ठाभनॆ आन्‍ना आक्‍खा डिरिक् सवाँ पासाचिबाङ् डिरिक् सिक्‍खुबा लॆकानि।

येसुऎ लोसु, “काम् टिङ्‌खुबाचि, आन्‍ना मिःक्‍म सामुङ्‌चिर लॆकानि। टर आकिसिआनॆ! मान्‍ठाभनॆ निवाँहाङ् आपाऎ आन्‍ना खोम् हाङ्‌डाम् पिॽमा चेन्‍चाडा।

आराॽवाचि खाङाम्‍चिनॆ! आक्‍खाचि रोपा सङ्‌क लिःॽमिनि, चरुङ् सङ्‌क खोम्‍मिनि। हाङ् आक्‍खाचिम् चरुङ् खोम्‍भुङ्‌मॆ बॆङ्‌टॽवा सङ्‌क लिनि, हाङ्‌सङ्‌क निवाँहाङ्ऎ आक्‍खाचि चामा पिॽमॆ सिकुचि। आन्‍ना ग आक्‍खा सवाँचिबाङ् डिड्‌ढा लॆकानि।

मसॆ माङ् चामॆ हाङ् माङ् चाङ्‌मॆ कामानुङ् निवाँबि आमिनानॆ।

आइ बॆक्‍खुबा हाङ् वेन्‍डा हेक्‍खुबा याॽवा सङ्‌क निवाँहाङ्ऎ चागुकु हाङ्‌ग मान्‍टॽल खोसॆ आन्‍नामि लागि चाङ्‌माह चे पिट्‌टानिनि मिनुकानिहा? खोइर आन्‍नामि निवाँयुङ्?

मान्‍ठाभनॆ डॆक्‍मिम्‍पा खानावाँ माङ्‌माङ् चु, आक्‍खा चोब्‍न लाबक् हाङ् चुम्‍मिम्‍पा खानावाँ माङ्‌माङ् चु, आक्‍खा चोब्‍न लाटॆ।