Popular Bible Verses from यूहन्ना 19

Share

यीशु से सिरका चखा, तोउं तेन बोलु, “अब में कम पूरु भु।” तोउं से अपु मगिर उनकुशेर कइ मरि गा।

तोउं यीशु पता लगा कि परमेश्वरे जेस कम करण जे से लंघो थिआ, से पूरु भोई गो असु, त तेन धरमे कताबे बोक पूरी भुण जे बोलु, “मोउं टिश लगो असी।”

यीशु अपु ई त से चेला जेस जुए से होरी केआं ज्यादा परेम कताथ तस अपु भेएड़ खड़ खड़ हेर कइ अपु ईया जे बोलु, “ईया! इढ़िया पता ए तें कुआ भो”। त तेस चेले जे बोलु, “ए तें ई भो।” त तढ़िया पता से चेला यीशु ईये ख्याल रखण लगा।

पर जपल से तसे भेएड़ आए त हेरु कि से जाई कपल केईआं मर गो असा। त तेन्हि तसे जंघ ना टोड़ी। पर सपाही यक बरछी बइ तसे टशवाड़ कोरा त तथा लहु त पुओणि निसुण लगु।

ई सोब तोउं भु ताकि धरमे कताब अन्तर जे बोक लिखो असी कि “तसे यक बि हलोटा ना टोड़िन्ता।” से पूरु भो। होरी जगाई लिखो ई बोक बि पूरी भुई कि “से तसे धे हेरते, जे तेन्हि कोरो असा।”

त यीशु अपु थम जेस पुठ से ढनाण थिआ, कन्‍हे पुठ कर कइ यरुशलेम केआं बाहर तेस जगाह तकर गा, जेस जे “खोपड़ी के जगाह” बोते त इब्रानी भाषा अन्तर “गुलगुता” बोते।

त सपाही कांटि के मुकुट गुढि कइ तसे मगिरि जुए ला त यक लम्मु कच्चु काए रंगी कमीर डबाई।