Popular Bible Verses from युहन्‍ना 13

Share

ताः ङाः ख्याक्याला सेम्बा आज्ञा चीग तेर्के– ख्याक्या चीगकीइ राःङ्साला च्याःम्बु पेःदो। ङाःइ ख्याक्याला काःन्डुले च्याःम्बु पेःदी एःपा, ख्याक्याङ चीगकीइ राःङ्साला ओःन्डुलेरा च्याःम्बु पेःगेन्दी पेःदो। ख्याक्याइ चीगकीइ राःङ्साला च्याःम्बु पेःसी लाःना ख्याक्या ङाःइ योबाक्या इःङे लाःती थाम्जेर मीःक्याइ ङोःसेगेन एः।”

ङाः प्रभु रा लोबेन एःनाङ ख्याक्याइ काङ्बा ठुदी एः लाःना, ख्याक्याइयाङ चीगकीइ राःङ्साइ काङ्बा ठुकोःए। ङाःइ ख्योक्याला पेःक्योक च्योःङ्‍रा ख्याक्याइयाङ पेःज्युक लाःतीरा ङाःइ उदाहरण चीग तेङ्क्योक इःङे।

येशुइ पत्रुसला लाःसी, “ङाःइ ची पेःदेरा एःपा ओःखो ख्योइ ताःसे मेसेए, इःनाङ ख्योइ तीङ्ला सेगेन एः।”

तेःन्दामरा ङाः ख्याक्याला लाःके, ताःक्पु भन्दा लाबु छ्‍योम्बो मेःयुङ एः ओःले लेःङ्‍गो ताङेन्दी भन्दा लेःङ्‍गो ख्याङेन्दी छ्‍योम्बो मेःयुङ एः।

ख्याक्याइ दी ताम सेमीःजीक, दीखो च्योःङ्‍रारा पेःसी लाःना कोन्ज्योइ ख्याक्याला मोलाम तेर्केन एः।

ओःले खुङ साःगेन ठाउँलाःम्‍ले लाःङ्सी, ओःले फीछ्‍योइ केःला पीती छ्‍यो चीगला ज्यादी तौलीया राःङगीइ केपाला चीङ्सी। ओःले खुङगीइ नेकीला छ्‍यु लुदी योबाक्याइ काङ्बा ठुगाला स्युःसी ओःले केपाला चीङ्क्योक तौलीयाइ फ्यासी।