Popular Bible Verses from युहन्‍ना 12

Share

ङाःइ लागी लेःगा पेःगेन्दी ङाःइ तीङ्ला ओःङ्‍कोःउए। काःला काःला ङाः काःल्बा, ओःखोङ ओःलारा ओःङेन एः। ङाःइ लागी लेःगा पेःगेन्दीला ङाःइ आबाइ सेःसा पेःगेन एः।

ओःन्डुरा पेःदी राःङगीइ मीःलीला च्याःम्बु पेःगेन्दीइ मीःली गुमाइतीगेन एः। इःनाङ राःङगीइ मीःलीला जाम्बुलीङला तुच्छा टेःम्बा साल्गेन्दीइ नाःमाङ मीसीगेन मीःली ज्योर्केन एः।

तेःन्दामरा ङाः ख्याक्याला लाःके, न्याःइ बुदी सेबीला लेप्‍ती मासी लाःना ओःखो ओःन्डुबारा तेःकुए। इःनाङ ओःखो सीसी लाःना ओःखोइ माःङ्बुरा डु कोःङ्च्युउए।

ङाःखाला सेमल्हुक लुगेन्दी सुङ नाक्जुकला माःतेःच्युक लाःती ङाः जाम्बुलीङला ज्योती च्योःङ्‍रा काःल्दी ओःङ्सी।

सुइयाङ ङाःइ ताम कोःसी लाःना ओःले ओःखो माःङीःन लाःना, ङाः ओःखोइ ठीम मेःबे। चीलेलाःना ङाः जाम्बुलीङगीइ ठीम पेःजेला ओःङ्क्योक मीःङे, इःनाङ ङाः जाम्बुलीङला सेन्च्युजेला ओःङ्क्योक इःङे।

ओः तीःजीला मरीयमगीइ माःङ्बुरा रीःन पेःगेन लीटर फे जटामसीइ सीःम्बु टीःमा तेर्केन अत्तर ख्योङ्दी येशुइ काङ्बाला टुःल्सी, ओःले खुङगीइ काङ्बा राःङगीइ टाइ फ्यासी, ओःले अत्तरकीइ टीःमाइ खीम काःङ्सी।

खुङक्या खजुरकीइ याःल्गा लेःङ्दी खुङला तोःङ्ज्याङ पेःजेला छ्‍योम्बो के तेङ्देरा खुङला फ्रेकाला काःल्सी, “कोन्ज्योला प्रशंसा! प्रभुइ मीःनला ओःङेन्दीला कोन्ज्योइ मोलाम तेर्च्युक। इस्राएलगीइ क्याःल्बुला कोन्ज्योइ मोलाम तेर्च्युक!”

येशुइ खुङक्याला लाःसी, “ताः मीःइ पुःइ महीमा ओःङेन तीःजी ओःङ्जे चाल्दी एः।