Popular Bible Verses from YOHAN 14

Share

Ngo wa naonhaung" re yaug yo: ru to: byid: co'. Nga" nho: yaug yo: ruyao: ngo naonhaung" re byid'. Mug:myid: yang byid' ruru: ngo byid' ru mangad:- naonhaung" nhag' lam: damyid: ci" ge,- Gyaug re: dagyaug ge,

Yesu wa yao: re- ngo wa khyodang ngad:- Dangman" ru we' kao so' re: ngad:- ngo khyo" za: mangad: re wa Nga" Pho" jhao" khag' re: maqo" joe" ye: ngad: ra"- ga: tau" ra".

Yesu wa yao: bam re Naonhaung" nhag' lam: damyid: ci" ge,- Mao"So re lam" ge,- ngo rere: lam" gela,

Pho" yang nga" mang mae nhao: ke' byid: nae" ra" ai: bao" thaug' yaug Gyang" Lho" Byo wa naonhaung" re ja: khao: ngo" mho" byid: mung:- naonhaung" re ngo ta" to" ra" dao: alhab' re myid: beim: nhao: li" nae".

Nga" amyin" dao: jham re khae: yu mung: phug' cao" ra" yaug wa ngore jhid'de; ra" yaug ngad: ra". Ngo re jhid'de; ra" yaug khag' rere: nga" Pho" yang yao: re jhid'de; li" nae". Ngo re: yao: re jhid'de; mung:- yao: re ngoyao" gaung qhu" byid: nae"- ga: ta" ra".

Ngo wa Pho" re mho' nae"- ailao" yao: wa naonhaung" we' daga" apyad ato na nae" bao" thaug' yaug gatau dayaug re naonhaung" jhao" nhao" ke' byid' li" nae". Ai: yaug wa Mao"So: khyo re dangman" ra" khyo" qhu" byid' ra" dangman" ra" Byo ngad: ra". Mug:myid byu qe wa yao: re mamyao maba ko" ruyang maqo" khae: yu ko" ngad: ra". Ngadqere: ai: Byo wa naonhaung" we' daga" na mung:- naonhaung" nhag' lam: khug mae yena: jo; ruyang naonhaung" wa yao: re ba: ako".

Yao:Zo: khyo" yang Pho" nho: phungbao bao: thug' li" nae" qhid' mae" nga" mang re lao: yang: naonhaung" mho' ra" gu: alhab' re ngo byid: nae" ngad: ra". Naonhaung" nga" mang re lao: yang: ngore pe" mho' gengadqere: naonhaung" re ngo byid: nae"- ga: ta" ra".

Amung: naonhaung" ngore jhid'de; ko" ngad: re wa nga" amyin" dao: jham re naonhaung" phug' cao" li" genae".

Nga" Pho" yham mae na jo, qo myo: sho' jo; ra"- naonhaung" qhid' mae" na jo, qo lo" nyhang" to: nae" qhid' mae" ngo lo" zai ngad: ra". Airu: mangad: re wa naonhaung" re ngo ceru: ta" nae" mangad:

Ngo wa naonhaung" qhid' mae" na jo, qo lo" bin: nyhang" to: mung: ngo na: ra" jo, qo mae naonhaung" qhug' na genae" qhid' mae" ngo dam: li" mung: naonhaung" re li" jhui" yu nae".

Ailao" Thoma wa Asang we"- nao khai: khyo ye" lo" nae" rure ngonhaung" maba- Khorumung: ngonhaung" wa khyodang re qo" ba nae" i? ga: myid' ra".