Popular Bible Verses from YOHAN 15

Share

Ngo wa sabyi naui dai ngad:- aimung: naonhaung" wa sabyi akaung jham ngad: ako". Ngo we' xo' de; jo; ra" yaug khag' ngadqere: ngore: yao: we' xo' de; jo, mung:- yao: wa ashi: myo: sho' zaui" li" li" nae". Pe"mung:ga"re ngo we' gao: yang: naonhaung" pe" re: maqo" kad' ko" ngad: ra".

Ngo we' xo' de; jo, ge,- ngore: naonhaung" we' xo' de; jo, nae". sabyi kaung wa sabyi naui dai we' maxo' made, lo: yao: za: ashi: maqo" zaui" ru we' dakhyo:- naonhaung" re: ngo we' maxo' made, re wa naonhaung" yao: za: ashi: maqo" zaui: ko" ngad: ra".

Naonhaung" wa ngo we' xo' de; jo, mung: nga" mungdao: re: naonhaung" khug mae bo: jo; ngad: re wa naonhaung" o: ra" ja: pe" mho' gengad yang: re: qo" yu: li" genae".

Naonhaung" wa ngore khyin: yu ko" ru mangad:- ngo yaug lam: naonhaung" re khyin: yu: ru ngad: ra". Naonhaung" thug' ye" lo" mung: gang" tang: ra" ashi: myo: sho' zaui" jo, genae" qhid' mae" naonhaung" re ngo khyin: san: to" ru ngad: ra". Aimung: nga" mang re lao: yang: naonhaung" yao: re pe" ja: mho' gengadqere: Pho" wa naonhaung" re byid' li" nae".

Yao" ba nam qe: qhid' mae" yao: yao" kao so' re dan: pye' sho' jhid'de; ru wa qi" thao" ra" jhid'de; myid ngad: ra".

Yao: wa ngo mae ashi: mazaui" ra" akaung khao: ngo" re cu: pye' mung:- ashi: zaui" ra" akaung khao: ngo" re wa ashi: je: zaui" li" nae" qhid' mae" sho' pye' byid' ra".

Naonhaung" re ngo jhid'de; ru we' dakhyo:- naonhaung" re: dayaug we' dayaug jho" jhid'de; na ge,- ce wa nga" amyin" dao: ngad: ra".

Naonhaung" ashi: myo: sho' zaui" ra" khyo" yang nga" Pho" nho: phungbao bao: thug' li" ra". Cekhyo" yang naonhaung" wa nga" mho"zo: boe' lo: ako".

Yesu wa Ngo wa sabyi naui agyang" ngad:- amung: nga" Pho" wa khyae mau" zaui: yaug ngad: ra".

Ngo we' maxo' made; jo; ra" yaug khag' ngadqere: akaung re we' dakhyo:- shapye' pye' ru qhug' mung: kyaug' lo" ra". Airu" ra" akaung jham re wa su: yang li" gag: vo; yu mung:- myikhyeim" mae pye' zaui: ngha" pye' ako".

Nga" ngaui bau" ru wa naonhaung" mae bo: jo, mung:- naonhaung" ngaui bau" ru byang" li" nae" qhid' mae" ngo naonhaung" re cedao: ta" ru ngad: ra".

Ngo wa nga" Pho" nho: amyin" dao: jham re phug' cao" mung:- yao" jhid'de; myid mae zaug: jo; ru we' dakhyo:- naonhaung" re: nga" amyin" dao: jham re phug' cao" ko" ngad: re wa naonhaung" wa nga" jhid'de; myid mae zaug: jo; li" genae".

Naonhaung" yao: cao: jho" jhid'de; na ge,- ein: ce: amyin" dao: ngo naonhaung" re byid' ra".

Naonhaung" wa mug:myid dao we' sin" ra" mo, ngad ko" re wa mug:myid wa yao: yao" ba nam ug zo: qere we' dakhyo:- naonhaung" re jhid'de; li" genae". Ngadqere: ngo wa naonhaung" re ce: mug:myid dao mae" khyin: yu mung:- naonhaung" wa ce: mug:myid dao we' masin: ko" ngad: ra". Ce: mathao: yang mug:myid wa naonhaung" re nghang" ra".