Popular Bible Verses from Johan 14

Share

Nopna note kong pia hi; keima nopna kong pia hi. Leitung mite in a piak bangin kong pia kei hi. Na lungmang kei un la, na lau kei un.

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Khatvei Zeisu in, “Note lungmang kei un; Pasian um un la, kei zong hong um un.

Ahih hangin ka min tawh Pa in hong sawl ding Huhpa a kici Kha Siangtho in na khempeuh hong hilh ding a, no kiangah kong gen khempeuh hong phawkkik sak ding hi.

Ka thupiakna nei a, a zui mi in kei hong it hi. Kei hong it mi ka Pa in a it ding hi. Keimah in zong amah ka it ding a, ama kiangah ka kilang ding hi,” a ci hi.

Keimah in Pa kiangah thu ka ngen ding a, note tawh a omkhawm tawntung dingin Kha Siangtho ahi adang Huhpa hong pia ding hi. Tua Kha Siangtho leitung mite in mu loin thei lo uh ahih ciangin a sang zo kei uh hi. Tua Kha Siangtho in note tawh omkhawmin, note sungah om ding ahih ciangin amah na thei ding uh hi.”

Note in keima min suangin thu na nget khempeuh uh Ta tungah Pa’ minthan’na a kilat nadingin ka hih ding hi. Kei min suangin na nget peuhmah uh kong hih ding hi.”

“Kei nong it uh leh, ka thupiakna na mang ding uh hi.

Ka Pa’ inn sungah omna tampi a om hi. A om kei leh, no kiangah kong gen zo ding hi. Note om nading mun bawlkhol dingin ka pai ding hi.

Pai-in na om nading uh ka bawl leh, no kiangah kong paikik ding a; ka omna munah na om nadingun ka hong la ding hi.

Thomas in, “Topa aw, na pai nading thei lo ka hih uh ciangin, lampi bangci theih ding ka hi uh hiam?” a ci hi.