Popular Bible Verses from Johan 15

Share

Keimah in leenggah gui ka hi hi. Note in a hiang na hi uh hi. Keima sungah om a, ama sungah ka om leh, tua mi in tampi a gah thei hi. Bang hang hiam na cih uh leh, kei sungah na om kei uh leh, bangmah na hih thei kei ding uh hi.

Kei sungah om un. Keimah in zong note sungah ka om ding hi. Leenggah hiang in gui tungah a om kei leh, ama ut bangin a gah zo lo bangin, note in zong keima sungah na om kei uh leh, na gah zo kei ding uh hi.

Kei sungah na om uh a, ka thu in note sungah a om leh, na ngetpeuh peuh uh na ngah ding uh hi.

Note in kei nong teel kei uh hi; no kong teel hi. Note pai-in, a tampi na gah khit uh ciangin, na gah uh a kip nadingin kong koih zo hi; tua ciangin ka min tawh thu na nget khempeuh uh Pa in hong pia ding hi.

Ama lawmte tangding a nuntakna a paai itna sangin, itna lianzaw kuamah in a nei kei hi.

Kei tungah a gahlo hiangte khempeuh a sattan ding hi. A gah thei hiang khempeuh in a gah semsem nadingin a hahsiang ding hi.

“Ka thupiakna ahih leh, keimah in no kong it mah bangin note khat leh khat na ki-it un.

Note in tampi na gah uh leh, ka Pa’ minthan’na na kilangsak ding uh a, note in ka nungzuite na hi takpi ding uh hi.

“Keimah in leenggah gui ka hi a, ka Pa in leenggah gui locingpa ahi hi.

Kei sungah a om lote in a kipaiikhia hiangte bangin a kikeusak hi. Tua ciangin mite in khawm uh a, mei sungah khulin mei in a kangtum hi.

Note sungah ka lungdamna om a, note lungdamna a kicin’ nadingin hih thute note kiangah kong gen zo hi.”

Keimah in ka Pa’ thupiaknate zui a, hong itna sungah ka om mah bangin, note in ka thupiaknate na zuih uh leh, kei sungah na om ding uh hi.

Hih in keima thupiakna ahi hi; Khat leh khat na ki-it un.”

Note in leitung mite tawh na kipawl uh leh, leitung mite in amau mipawl note hong it ding uh hi. Ahih hangin leitung mite lak pan note kong teelkhia hi; leitung mite tawh na kipawl kei uh a, tua ahih ciangin leitung mite in no hong mudah uh hi.