Popular Bible Verses from মার্ক 5

Share

যীশু য়াংসুউগো প্রলিইরি, “মিখাং, নাং ক্যুংরি কিজু কেইংমালিরি। চিই আখেংসানা লাঃলি, নাকমা অর দিঃ রগাচা মফ্রকিফি।”

য়াং লুঃউ আঃথেমা মিঃমা তয়ক হিকলিরি, যাসু তিছিন্হন্হ পেলুং স্যুইসুয়েং রগা কেঃ হিকলিরি। য়াং রগাসিচা কংগং আম্যা ছিইসামা লাকমা, কংগং আম্যা ওয়িদানা রাঃব্যা, অর য়াংসুউমা যা হিকরি, য়াংচা আলুং য়াংসুউ ছিই কুউব্রিব্যা, য়িগিলি কংফুগো থাঃরো রাকমা রাকমা অর আম্যা সিঃ লাঃরি।

যীশু কোরুংগো ম্হেংরি খ্যাং খ্যাং, য়াং মিঃমা স্যুইসুয়েংচা তেংলিরি অর য়াংসুউ কোঃ কাইংথামা, কোঃ রগা কং লাঃচাগো সিইলিরি।

মিঃমাশ্যি আসাক হিকলিইরি, তিছি ন্হৈন্হ। যীশু মিঃমাশ্যি আলাককো কৈরো প্রলিরি, “টালিথা কুম,।” দিঃ চাঃগা আদিপিচা ফ্রইতি, “মিঃমাশ্যি, নাককো প্ররি থাঃ।” অর খ্যাং খ্যাং মিঃমাশ্যিচা থাঃরো লিঃলিইরি। য়াংচাগো ম্রাংরো য়াংসুউরো কংগং এংঅগেলিরি।

যীশু য়াংখালি চাঃগা প্ররিসিই, য়াং আখিংমা, থুউ তাঃরা চেরেমা গংখ্যুক যায়ীর ইংগা লৈগায়ক লাঃরো যায়ীরগো প্রগেলিইরি, “কোবাং সিঃমিং সিইব্যা; ছারাগো অর দুঃখুওয়া মিপিগিফি।” য়াং লুঃউরো চাঃগাগো ক্রারো, যীশু যায়ীরগো প্রলিইরি, “মক্রককি, আক্যুংগোরা থাঃ।”

য়াং নেঃছুচা দিঃ চাঃগা প্রলিরি আক্রংগা যীশু য়াংসুউগো প্রলিরি, “নেঃছু, দিঃ লুঃউগা থুঃওয়করো লাঃলি।” যীশু য়াংসুউগো মিংলিরি, “নাক নাঃমি যালি?” য়াংসুউ প্রলিরি, “ঙাক নাঃমিচা সুরুয়িই, আক্রংগা ঙারো আম্যা হিকরি।”