Popular Bible Verses from San Marcos 10

Share

Je̱' ko ni u̶u̶ch, u̶u̶ch je̱' je̱'e̱ ja'ay mu̶dyiibu̶ tzon tzajpjooty ka'p u̶u̶ch ya naaxwiiñ tu̶ nmiñ ko u̶u̶ch je̱'e̱ ja'ay xypyube̱jtku̶xu̶ch, tu̶ nmíñu̶ch ya naaxwiiñ neby u̶u̶ch je̱'e̱ ja'ay nbubé̱du̶chu̶ñ y nyé̱gu̶chu̶ch je̱'e̱ njuugy'ajtu̶ñ ma je̱'e̱ o'ku̶ñ mu̶u̶d je̱'e̱ mayjya'ay gyu̶xpu̶ ajku̶xy, wan du'un y'awa'adzpu̶dzu̶u̶mgu̶xu̶ch.

Chi je̱'e̱ Jesús wyindu̶kxpe̱jttaayu̶ ajku̶xy y y'adzoowu̶ ajku̶xy: —Mu̶u̶d je̱'e̱ naaxwiiñjya'ay tzip adayaaba, peru̶ mu̶u̶d je̱'e̱ Dios ka'p je̱'e̱ chípu̶ch, mu̶u̶d je̱' ka'p ni tii chípu̶ch.

Chi je̱'e̱ Jesús ñu̶maayu̶: —Mu̶baad mnu̶kxnu̶, tu̶ mdzo'ogy, je̱' ko u̶u̶ch tu̶ xymyu̶bu̶ky. Je̱'e̱ timymyu̶'ityu̶ je̱'e̱ wiindzja'ay wyindu̶kxu̶'ky, y chi je̱'e̱ Jesús padu'ubu̶jky tu'ktu'u.

Y paady je̱'e̱ ja'ay ka'p mu̶baad yajnay'u̶xmachii je̱'e̱ mu̶dyiibu̶ je̱'e̱ Dios tu̶ wijtzmúkyu̶ñ.

Chi je̱'e̱ Jesús je̱'e̱ kumeeñjya'ay windu̶kxpejty mu̶u̶d je̱'e̱ tzojku̶ñ ju̶wu̶u̶yu̶ñ, y chi adzooy: —Ja'adu'ug je'eyu̶ xyjyaktu̶goy'ajtu̶ mu̶dyiibu̶ ka'p mdúñu̶ju̶ñ. Nu̶kx, ku̶xyu̶ tokta'a tijaty mmu̶dajtypyu̶ñ y ni'imo'o je̱'e̱ ayoobu̶du̶jk ajku̶xy. Mu̶'it je̱'e̱ oy'ajtu̶ñ jiiby tzajpjooty mbaadu̶ch. Y ko du'un mdúnu̶ch, mu̶'íttu̶tz miinu̶ch ma u̶u̶chu̶ñ y xypyanú̶kxu̶chu̶ch.

Chi je̱'e̱ Jesús yajtu̶u̶wu̶: —¿Ti mdzojkypy ndúnu̶chu̶ch mu̶u̶d miich kyu̶xpu̶? Chi je̱'e̱ wiindzja'ay y'adzooy: —Windzú̶n, u̶u̶ch yajwiindu̶kxu̶'k.

Peru̶ ma miich ajku̶xyu̶ñ ka'p du'un mja'ay'ajtku̶xu̶ch. Je̱' je̱'e̱ tu̶y'ajtu̶ñ ko je̱'e̱ mu̶dyiibu̶ je̱'e̱ mu̶jtuung tzojkp ma miich ajku̶xyu̶ñ, wan je̱'e̱ myu̶gu'ugtu̶jk mu̶dúñ

Janch tu̶y'ajtu̶ñ du'un nnu̶maaygyu̶xy ko pu̶n je̱'e̱ Dios y'ane̱'e̱mu̶ñ ka'p ku'ubu̶jku̶, du'un neby je̱'e̱ pi'k'ana'k tu'ug ku'ubú̶kyu̶ñ, ka'p je̱'e̱ du'umbu̶ ja'ay tyu̶gu̶'u̶wu̶ch ma je̱'e̱ Dios y'ane'emyu̶ñ.

Peru̶ cham may je̱'e̱ ja'ay jii ajku̶xy je̱'e̱ mu̶dyiibu̶ jayu̶jp'ajtku̶xpu̶ñ, y je̱' u̶x'aam'ádu̶p ajku̶xy; y nan may je̱'e̱ ja'ay jii cham ajku̶xy je̱'e̱ mu̶dyiibu̶ u̶x'aam'ajtku̶xpu̶ñ, y je̱' jayu̶jp'ádu̶p ajku̶xy.

Peru̶ ko je̱'e̱ Dios je̱'e̱ naaxwiimbu̶ aga'an yajkojy ya'aydyu̶jk y to'oxyu̶jk je̱'e̱ Dios yajkojy. Paady je̱'e̱ ya'aydyu̶jk je̱'e̱ tyaj tyeedy u̶xmádzu̶ch y pudu̶gu̶'u̶wu̶ch je̱'e̱ tyo'oxyu̶jk, y je̱'e̱ nime̱tzkpu̶ du'un naty je̱'e̱ ajku̶xyu̶ñ neby tu'ugpu̶ju̶ñ.’ Y ka'p naty du'un y'oknimé̱tzku̶chu̶ñ, tu'ug naty je̱'e̱ du'un je'eyu̶ju̶ñ.