Popular Bible Verses from San Marcos 9

Share

Chi je̱'e̱ Jesús ñu̶maayu̶: —¿Nej ko ‘pu̶nu̶ mu̶mada'age̱e̱mby’? ¡Ka'p ni tii chípu̶ch pu̶n mmu̶bu̶jkpu̶ñ!

Mu̶'it je̱'e̱ ye̱e̱g'ana'k tyeedy mu̶k'eemby yaaxkeeky: —U̶u̶ch nmu̶bu̶jkypyu̶ch. ¡Pube̱jtku̶ch neby u̶u̶ch mu̶baad ni'igyu̶ njakmu̶bu̶kyu̶ñ!

Mu̶'it je̱'e̱ Jesús tyu̶jktu̶gu̶u̶y, y chi je̱'e̱ dyiscípulotu̶jk adu'uktuuy yajtu̶u̶wu̶ ajku̶xy: —¿Ti u̶u̶ch ko u̶u̶ch ka'p tu̶ nmu̶madaakku̶xy neby u̶u̶ch je̱'e̱ ka'a'óybyu̶ nyajpu̶dzu̶u̶mgu̶xu̶chu̶ñ? Y chi je̱'e̱ Jesús y'adzoowu̶ ajku̶xy: —Adaa du'umbu̶ ka'a'óybyu̶ ajku̶xy je̱'e̱ yu̶'u̶ mu̶u̶d pyu̶dzu̶my ajku̶xy ko je̱'e̱ Dios nmu̶bu̶jktzoowu̶mu̶ch ajku̶xy.

Je̱'e̱ kaan janch'oy je̱' pu̶nu̶ myu̶u̶d je̱'e̱ tyaamtz'ajtu̶ñ; peru̶ pu̶nu̶ tu̶gooby je̱'e̱ tyaamtz'ajtu̶ñ, ¿neby je̱'e̱ da'a du'un y'okjaktúnu̶ch? Mmu̶dajtu̶gyu̶ch je̱'e̱ n'ayuuk ajku̶xy ma je̱'e̱ mjoot mwinma'añ ajku̶xyu̶ñ, je̱' ko du'un je̱' neby je̱'e̱ kaanu̶ñ, y tzu̶naaygyu̶x juugy'ajtku̶x agujk jootkujk nixim niyam.

—Pu̶n mu̶u̶d u̶u̶ch kyu̶xpu̶ nxu̶u̶ je̱'e̱ pi'k'ana'k ku'ubu̶jkpu̶ñ du'un neby adayaaba pi'k'ana'ku̶ñ, u̶u̶ch naty je̱'e̱ du'un xykyu'ubu̶jkp; y pu̶n u̶u̶ch xykyu'ubu̶jkpu̶ñ, ka'p naty je̱'e̱ u̶u̶chtyu̶'ajty je'eyu̶ xykyu'ubu̶jkp, nan kyu'ubu̶jkypy naty je̱'e̱ nandu'un je̱'e̱ mu̶dyiibu̶ u̶u̶ch ya naaxwiiñ xykye̱jxu̶ñ.

Wanpú̶nu̶ch pu̶n je̱'e̱ nu̶u̶ miich xymyooygyu̶xpu̶ñ oy je'eyu̶ timytyu'kvasu̶du̶'ajty, je̱' ko myajpaatku̶xy ma je̱'e̱ Crístoju̶ñ, janch tu̶y'ajtu̶ñ du'un nnu̶maaygyu̶xy pyaadu̶py y'oy'ajtu̶ñ je̱'.

“Wanpú̶nu̶ch pu̶n adaa ja'ay nidu'ugtu̶ yajwinma'añdyu̶goobyu̶ñ mu̶dyiibu̶ je̱'e̱ y'u̶xpu̶jku̶ñ we̱e̱nu̶ mu̶u̶du̶ñ ajku̶xy ma je̱'e̱ Dios tyu̶y'ajtu̶ñ mu̶dyiibu̶ u̶u̶ch je̱'e̱ n'ayuuk ndu̶y'ajt xymyu̶bu̶jku̶byu̶ñ ajku̶xy, ni'igu̶ oy ko u̶xyu̶py yaj'yo'kxodzu̶'u̶yii tu'ug mu̶jpu̶ molinu̶tzaa y yajku'uju̶bijpnáxu̶ch mejyjyooty.

Y pu̶nu̶ jii je̱'e̱ mwiin tu'ug xyajtu̶goya'añ, timyyajpu̶dzú̶m; ni'igu̶ oy ko je̱'e̱ mwiin tu'k'adu'um mmu̶du̶gu̶'u̶wu̶ch ma je̱'e̱ Dios y'ane̱'e̱mdaaktu̶ñ, y ni'igu̶ ka'p ko myajpu̶da'agu̶ch mu̶u̶d je̱'e̱ mwiin me̱jtz'adu'um jiiby ka'a'oydyaaktuuby