Popular Bible Verses from San Marcos 13

Share

Y ku̶xyu̶ je̱'e̱ ja'ay miich xykya'a'ixa'an xykya'atzoga'anu̶ch ajku̶xy, je̱' gyu̶xpu̶ ko u̶u̶ch naty xymyu̶bu̶jkku̶xy, peru̶ pu̶n u̶u̶ch amuumdu'ugjoot xymyu̶bu̶jkpu̶ñ u̶xtu̶ mabaad y'o'ogyu̶ñ, je̱' je̱'e̱ y'aanu̶mu̶ ni'idzo'ogu̶p ajku̶xy.

“Ni'ixu̶'u̶ miich ijtku̶x y naygyweentu̶'ajtu̶gu̶x, je̱' ko ka'p mnejwu̶u̶ygyu̶xy mu̶naa du'un tyuna'añyii jyada'añyiiju̶ñ.

Y ka'p mdajku̶xu̶ch mmaaygyu̶xu̶ch neby mmu̶naangu̶xu̶chu̶ñ ko naty xykyu̶'u̶ye̱jkku̶xy mach ma je̱'e̱ tuungmu̶u̶dpu̶du̶jk ajku̶xyu̶ñ. Ko naty je̱'e̱ hooru̶ timypyaady mu̶naa mgápxku̶xu̶chu̶ñ, je̱' mgápxku̶xu̶py je̱'e̱ ayuuk mu̶dyiibu̶ je̱'e̱ Dios naty xymyooygyu̶xpu̶ñ, je̱' ko ka'p naty miich kapxaangu̶xp, je̱'e̱ Espíritu Santo naty kapxaamb.

Je̱'e̱ tzajp y je̱'e̱ naaxwiimbu̶ kú̶xu̶p tu̶góyu̶p je̱', peru̶ u̶u̶ch je̱'e̱ n'ayuuk ka'p je̱'e̱ nimu̶naaxu̶u̶ kyú̶xu̶ch tyu̶góyu̶ch.

“Peru̶ je̱'e̱ xu̶u̶ y je̱'e̱ hooru̶ ni pu̶n je̱'e̱ ka'anejwu̶'u̶y mu̶naa je̱'e̱ du'un tyuna'añyii jyada'añyiiju̶ñ, ni je̱'e̱ ángelestu̶jk tzajpjootypyu̶ je̱'e̱ ka'anejwu̶u̶ygyu̶xy, ni je̱'e̱ Dios y'Ung. Je̱'e̱ Dios Teedy je̱'e̱ je'eyu̶ nejwu̶u̶by.

“Ko naty je̱'e̱ ayuuk miich mmu̶doogu̶xy ko naty je̱'e̱ ja'ay xii yaa chiptuungu̶xy, ka'p mdzu̶gu̶u̶ygyu̶xu̶ch. Je̱' ko ni'igu̶'u̶tún ni'igu̶'u̶jadu̶u̶wu̶p je̱'e̱ du'un, y ka'p naty je̱'e̱ naaxwiimbu̶ du'un timykyu̶jxp timytyu̶gooybyu̶ch.

Y paadyu̶tz, juugy miich ijtku̶x, je̱' ko ka'p mnejwu̶u̶ygyu̶xy mu̶naa je̱'e̱ kudu̶jk wyimbida'añ ma je̱'e̱ tyu̶jku̶ñ, pu̶nu̶ naamgodzu̶u̶by, o pu̶nu̶ mu̶jkuwa'kxychuum, o pu̶nu̶ tu'ug tzeyyaaxp o ko naty tu̶ xyu̶u̶mu̶u̶yñu̶. Ka'p jyékyu̶ch ko tzojku̶ xyajja'tpe̱jtku̶xu̶ch y xypyaatku̶xu̶ch mjanchmaagu̶xy naty. Yu̶'u̶ mu̶dyiibu̶ miich tu̶ nyajmu̶dmu̶dyaakku̶xyu̶ñ nan nyajmu̶dmu̶dyaakypyu̶ch je̱'e̱ ja'ay du'un nigu̶xyu̶ ajku̶xy: ¡Ni'ixu̶'u̶ ijtku̶x!”

Nayñibu̶du̶'u̶gu̶u̶wu̶p je̱'e̱ naax kajpt mu̶u̶d je̱'e̱ wiingpu̶ naax kajpt y gobierno mu̶u̶d je̱'e̱ wiingpu̶ gobierno, y minaamb mu̶k temblor mayñaax maygyajpt, y minaamb mu̶j'yuu xii yaa Y tzondaaknu̶ naty adaa tzaachpyu̶ du'un.

Ma naty je̱'e̱ tiempo ka'anu̶ paatyñu̶ mu̶naa je̱'e̱ naaxwiimbu̶ kyu̶xa'añ tyu̶goya'añu̶ñ, yajkapxwa'kxta'awu̶p je̱'e̱ ayuuk tu̶y'ajt jayu̶jp mu̶dyiibu̶ aanu̶mu̶ ni'idzooku̶ñ ye̱jkpu̶ñ ma je̱'e̱ naax kajpt kú̶xyu̶ju̶ñ.

Je̱' ko minaamb je̱'e̱ ja'ay may, mu̶dyiibu̶ nayyajnaxaanu̶gu̶xpu̶ñ neby u̶u̶chu̶ñ. Myu̶na'anaangu̶xy: ‘U̶u̶ch je̱' je̱'e̱ Cristo,’ y may je̱'e̱ ja'ay win'u̶u̶naangu̶xy.

“Naygyweentu̶'ajtu̶gu̶x miich ku̶'u̶m, je̱' ko xykyu̶'u̶ye̱gaangu̶xp je̱'e̱ ja'ay ma je̱'e̱ tuungmu̶u̶dpu̶du̶jk ajku̶xyu̶ñ y xychaachtyuungu̶xu̶p ma je̱'e̱ judío ja'ay ñaymyujktaakt ajku̶xyu̶ñ. Xyajnú̶kxku̶xu̶p mach ma je̱'e̱ gobernador y ma je̱'e̱ mu̶j'ane̱'e̱mbu̶ winduuy ajku̶xyu̶ñ, je̱' gyu̶xpu̶ ko u̶u̶ch naty xymyu̶bu̶jkku̶xy y du'unu̶tz je̱'e̱ tu̶y'ajt mu̶baad mye̱jkku̶xy mu̶u̶d u̶u̶ch kyu̶xpu̶ ma je̱' wyinduuy ajku̶xyu̶ñ.

Je̱' ko minaangu̶xp anu̶u̶'ajtpu̶du̶jk y myu̶na'anaangu̶xy ko jye̱'e̱ju̶ch ajku̶xy je̱'e̱ Cristo y ko jye̱'e̱ju̶ch ajku̶xy je̱'e̱ Dios y'ayuuknajtzkapxu̶u̶ybyu̶du̶jk, y tyuungu̶xu̶py je̱'e̱ ijxpe̱jt y mu̶jwinma'añ neby je̱'e̱ ja'ay du'un win'u̶ngu̶xu̶chu̶ñ, u̶xtu̶ je̱'e̱baad wyin'u̶ngu̶xu̶py je̱'e̱ mu̶dyiibu̶ je̱'e̱ Dios ku̶'u̶m tu̶ win'ixyu̶ñ.

“Peru̶ ko naty je̱'e̱ mu̶jtzaachpyu̶ ayo'on tu̶ tyuunda'ayii jyajtta'ayii, je̱'e̱ xu̶u̶ wingodzu̶'u̶wu̶p je̱', je̱'e̱ po'o ka'p je̱'e̱ y'ok'aanu̶ch, je̱'e̱ mu̶dza'a ka'awu̶p je̱'e̱ tzajpjooty y yu'kxu̶p je̱' ku̶xyu̶ tijaty jiiby tzajpjooty mu̶k'ajtmu̶u̶du̶ñ.