Popular Bible Verses from Marɨkusɨ 12

Share

Yeso a chwɨ́gɨ́ ngə́, “Za ɨ tsanɨ ɨtsum ɨ zɛnə: ‹O bə Izrai, zuʼnə! Maʼmbyí Ŋwi ɨwɨgɨnə, a nɨ tsɛʼ zɨzɨ wa a nɨ Maʼmbyí ɛ. Kɔŋ a Maʼmbyí Ŋwi ɨgho nɨ ntəm ɨgho ɨtsum, nɨ gharɨ ɨgho tsum nɨ akwaʼtɨ azo atsum nɨ adaʼ azo atsum ə.› Za ɨ zɔŋtɨnɨ ɨ zɛnə: ‹Kɔŋ a ŋwɔn nɨbarə ɨgho tso atuəmbəm azo ə.› Ka ntɨgə zɨ tse tsi ayi ɨwu za ɨ tsanɨ a tsenə tsi bá ghe.”

Yeso a tɔ́ŋ bɨyɛʼ ɨbyi ɨ sóŋ a mbó bo ngə́, “Ma soŋ a mbó bɨŋ ə, nkfugɨ mangye zɨ afúm zen ɨ nɨŋ nkáb a mu nɨlɛnɨ nɨ Ŋwi nen ntsa a ŋwɔn tsum ə. Mbɨ́ʼ ngə́ bə mɔʼɔ ba fɨgɨ lá a mɨnyiə a mu ɨdzúm tsə ghaʼnɨ tsa bo tsinɨ nɨ tsɛrə, lá wɛrə mbáʼ a fumnɨ ɨ fúm ɨ fúm lá, a nɨŋ lá nkáb tsum za wɛrə a tsinɨ nɨ zɛrə – wɛrə a nɨŋ nkáb ndzɨgɨ atuəmbəm azhi ɨwu ə.”

Adzaŋ za Yeso a shíʼtɨ́nɨ́ ntsi a mbyɛn nɨlɛnɨ nɨ Ndáŋwi zɨ Ngwi, wɛrə a kə́ ndyǐŋ adzaŋ za ɨbɛn kɨ́nə́ nɨ̌ŋ nkáb ə. Ngaŋ nkáb tsə ghaʼnɨ kə́ nɨ̌ŋ ndvuŋ nkáb tsə wi ɨwu ə. Nkfugɨ mangye wu tse mbáʼ ɨ bénɨ́ afúm ɨ yén nɨ́ŋ ɨníní ɨchi tsi bá mbáʼ ndvuŋ ɨyi sé azúm zə tse byi mbe benə.

Ɨ kɨ kɔŋ a Ŋwi nɨ ntəm ɨgho ɨtsum, nɨ akwaʼtɨ azo atsum nɨ adaʼ azo atsum abɔʼnɨ nkɔŋ ŋwɔn nɨbarə ɨgho a nɨ anu za a dɨtɨnɨ ntsa a ngá akáŋ a Ŋwi za bɨ tɔnɨ abɔʼnɨ mɨtsuʼnɨ mɨ atú mə tɔnɨ a mbó Ŋwi ə.”

Yeso a tíʼ sóŋ a mbó bo ngə́, “Ma lan, á nɨ gha azúm a Kaisa a mbó Kaisa, nkɨ nga zə Ŋwi a mbó Ŋwi ə.” A tíʼ nkɨʼnɨ awa adzaŋ za Yeso a chwɨ́gɨ́ awa ghe.