Popular Bible Verses from Marɨkusɨ 13

Share

Ɨbɛn bɨtsum ghɨ tiʼ ɨ bə̌nə awən mbɨ́ʼ aghə. Lá ŋwɔn tsum wa a korɨnɨ ntəm ngɛn fu a ndwitə, bɨ ghɨ loŋ ayi ɛ.”

A nɨ lə ɨtú tsɨŋ ə, á nkyérɨ́nə, mbɨ́ʼ ngə́ ka nɨ zhi awən nkfu za nkfu zɨ wu ghɨ kuʼə.

A nkfu za bɨ konɨ awən ngɛn nɨ bən a ɨshi abyɛn, á nɨ keʼ ngwíʼə awən anu za nɨ mɨ soŋ bɔŋ á nyom abyɛn a kuʼə; nkfu za yen nkuʼ nɨ soŋ anu za bɨ ghanɨ a mbó bən mbɨ́ʼ ngə́ ka a ngámə́ ayi bɨŋ ə, a ghamə Azhwi zə Fɛmnɨ ə.

Fɔməbvurə bo atuəshe ghɨ keʼ ghɔ́ŋ nɨnkoŋ ə, lá nɨgham ɨnə ghɨ ghɔ́ŋ nɨnkoŋ ə.”

“Ka ŋwɔn tse a zhi ayi njwi zɨ wu kə a nyom wu wu ə – kə́ be bɨtsen bɨ ndá bɨ Ŋwi ba bɨ tsinɨ a fɔməbvurə kə Mɔn Mbáŋnɨ́; a zhi tsɛʼ Tarɨ ə.

Be nɨ zuʼ mbɨ́ʼ mɨntso abɔʼnɨ mɨnkən mbɨ́ʼ mɨntso, á keʼ ngɨ́ʼ a mbó bən ghaə; məzen a mɨ zagɨ lɔgɨ adiʼ lá ɨ keʼ diʼ ngə́ ndwitə ɨ yenə ghe.

A nɨ tíʼ lá nkyérə́, mbɨ́ʼ ngə́ ka nɨ zhi awən nkfu za mboŋnjwuʼ a ghɨnɨ kwe – a chi be a nkwɛfɔ kə nɨ ntɨŋtfúʼ kə a ntɔ́ŋ ankɨʼə kə a tənjwi ɛ. Be a vwukɨ kwɛn, a mɨ keʼ zagɨ nkwatɨ awən a fɨlye ə. Anu za ma sóŋnə́ a mbó bən lá, ma kə́ sóŋə́ a zɛrə a mbó ŋwɔn tsum ə: a nkyérɨ́nə!”

Ɨlaʼ ghɨ tókɨ́nə a tsɨ mɔʼɔ, á nɨfɔ ntǒkə́ a nə mɔʼɔ ghe. Ɨshe ghɨ nɛ́mnə ɨdiʼ ɨtsum, á mɨchwinɨ a kɨ nchyɛ. Ɨnu tsiŋ be lá tso ntsambyi ndzaŋə mbáʼ mangye a chiʼnə.

Lá bɔŋ á ndwitə za yen, bɨ tsi nɨ ɨ zagɨ soŋ nkən wu shiʼnɨ a mbó ɨlaʼ ɨtsum ə.

Ɨbɛn bə ghaʼnɨ ghɨ yen, ɨ kaŋnə ngə́ bo ghamə nɨ ɨkum ɨghan, ɨ soŋnə ngə́, ‹Ma lá Wa Bɨ Zɔ́ʼnɨ́ ə!› A ntsǎ a ndzum ɨdzaŋ mɨgham mətsen, bo ghɨ támtɨ́ ɨbɛn bə ghaʼnɨ ə.

A bɨŋ mboŋ lə ɨtú ɨtsɨŋ ə. Bɨ ghɨ kótɨ́nə awən, ɨ kə́ tɔ́ŋtɨ́nə abyɛn a nye bɨŋ ə. Bɨ ghɨ shwomnə awən a mu ndáŋwi bə Yuda; á tiʼ mbe abárɨ́ a mbó bən ɨ tɛm a ɨshi bɨta bɨ ɨlaʼ abɔʼnɨ bɨfɔ mbɨ́ʼ atú azan, ɨ soŋ Nkən wu Shiʼnɨ a mbó bo ghe.

Bɨ Wa bɨ Zɔ́ʼnɨ́ bɨ ɨchwenu abɔʼnɨ ntóm Ŋwi ɨchwenu ghɨ fú a ɨshe ə. Bo ghɨ ghɨ ɨnu tsɨ yerɨnɨ-yerɨnɨ abɔʼnɨ ɨnu tsɨ tsanɨnɨ a ntámtɨ́ ɨbɛn, ɨ ghɛn kuʼ a nye ɨbɛn ba Ŋwi a tsɔ́ʼnɨ́ mbáʼ be a chi be mə lá.

“A nye njwi mətsa, mbáʼ nkfu ngɨ́ʼ za ɨ minə, nɨnyom a ghɨ bəŋ ɨ tiʼ bə fɨ́ŋ ɨ fɨ́ŋnɨ́, á saŋ a keʼ bə ntá, á mɨndzɔŋ tsɔʼkɨ a fɔməbvurə ngvokɨ a tɨshe, á mɨdaʼ ma mɨ tsinɨ a fɔməbvurə á mɨ nɛm nkeʼ adiʼ bo bə nchyɛ.