Popular Bible Verses from Marɨkusɨ 9

Share

Yeso a sóŋ wəmbo ngə́, “E, mbáʼ be gho mboŋ o chi kɨ ghɨ a zə tsɛrə ghe! Ɨnu ɨtsum chi faʼ a mbó ŋwɔn wa a tsinɨ nɨ abeməntəm ə.”

Ta bɨ mɔn wa a byí ntɔ́nkɨ́ ɨ soŋ ngə́, “Ma tsi nɨ abeməntəm lá a keʼ kɔʼ nkuʼnə. Kwatɨ aghan á ma tsi nɨ zɛrə á ghaʼ ngɛn nɨ mbyi ɛ!”

Yeso a ghɨnə nkón a mu ndá, bɨyɛʼ ɨbyi bitɨ ayi mbáʼ bo tsínɨ́ tsɛʼ bo bo ngə́, “Bɨgɨ ló nchi keʼ azhwi za fɨgɨ lá mbɨ́ʼ ake le?” Yeso a chwɨ́gɨ́ a mbó bo ngə́, “Azúm zə daŋ a chi keʼ a məzen fɨgɨ ntsa atsaʼtɨ a Ŋwi ə.”

Fɨngwáŋ bɔŋə, lá be ndəmə za ɨ mi ayi wə ɨnye, o ghɨ tiʼ bə bəŋ a fɛrə á fɨ ləm lá nɨ ake le? A nɨ tsi nɨ fɨngwáŋ a tɨtərɨ bən, nkɨ ntsi nɨ mbɔnɨ ŋwɔn nɨ ŋwɔn ə.”

“Ŋwɔn tsum wa a kwarɨnɨ a mɔn tso wen a ɨkum me a kwarɨ lá aghə; ŋwɔn tsum wa a kwarɨnɨ aghan, ka a kwarɨ ayi lá tsɛʼ aghan, a kwarɨ lá a ŋwɔn wa a tságɨ́nɨ́ aghə.”

Mbɨ́ʼ ngə́ tsɛʼ a nkənu, ma sóŋə́ awɨŋ ə, ŋwɔn tsum wa a ghanɨ ndɔ́ŋ nkyi a mbó bən ngə́ á nɨ no mbɨ́ʼ ngə́ nɨ běm ɨkum Kristo, ndómnji tse se be wa mbáʼ a mɨ sam mɨtsɔʼnɨ mɨ afaʼ ɨmyi ɛ.”

“Ŋwɔn tsum wa a ghɨnɨ táʼ a tɨtərɨ wu nkɨʼnɨ wen wu tse wa a nɨŋnɨ ntəm ɨyi a ɨnye me a ghɨ ɨbvu, a kwɛ mbɔŋ wəmbo ngə́ á bɨ korɨ a təkɨŋ ngɔʼ ngɔʼ abán wə ntɔŋ ɨ maʼ ayi a mu sagɨrə wu ngwi ə.

Be nɨdɨgɨ ɨno ghɨ ngə́ o ghɨ ɨbvu, twɛʼ a nɛrə ɨ fɨgə! A kwɛ mbɔŋtɨ a mbó gho a nkúŋə́ a mu nɨfɔ nɨ Ŋwi nɨ táʼ nɨdɨgɨ ntsa ngə́ á bɨ maʼ agho a mu ɨmugɨ nɨnkoŋ wa nɨ ɨmɨgɨ ɨmo mi mɨmbá ghe.