Popular Bible Verses from Luk 4

Share

«Kiyoy ke Nyùy Tàr kí shiy mo, bìʼ fo kí yoʼon ne mo, e tùm ji m wáa fìʼtì sáʼka wo juŋ e vé ŋgeʼe, a tiisí e wír ve á koon é shùu rərí ji á yíi bòyìr áwune fó vikwàn, e kfə̀n a fìʼtì aàmfìri ji á wíy mvə̀ʼtì sí yév. Kí kfən tùm mo ji m fəə́r wír ve á nəʼsì áwune fó ŋgeʼ, a fìʼtì jii, kiyá kìn ki sì ke Nyùy buʼ wíri.»

Jesus bìnèr sho jii, «Vé‑eè sàŋ é Ŋwàʼ Nyùy jii, ‹Wìr wáa ghvəm Tàr wov Nyùy, a yu a dzə̀ fó fo.› »

Jesus bìnèr jii, «Vé‑eè sàŋ é Ŋwàʼ Nyùy jii, ‹Bó yòʼ jòʼsì ji wìr yí kibán, e bóo lùŋ.› »

Mo Joon wayin Jesus e ndzəv yee Jordan, wù nèn lò, a dù, Kiyoy ke Ranén kí wáa run e wùn shiliv, e yiì, wù dù e kwaʼ. Kí wáa dànèr wun fo kishiíy mkweè, Satan wáa wìy, a mùm ji wù jáy á kinyo. A Jesus dzə́ e kwaʼ bèy, e làa yòʼ a yi kifá gheéy. Ghán see shooy si wìy mày, jìŋ wáa yar wun.

Jesus bìnèr kfə́ jii, «Vé‑eè sàŋ sá jii, ‹Lá wìr yòʼ a ghiʼ Nyùy Tàr woo Nyùy və ghíʼín ji wù yii kinyo.› »

Satan màysì dzə́ə se dzə̀ wù mùm Jesus sho sidzə̀m, e nèn lò, e dù, a shìy ghán símóʼ sí.

Satan nèn lì, e kòʼ shó e kirə̀ʼ kímóʼ kí é yuv, e dìn woŋ woó kitu ke nsay sho e dzə̀m, Jesus ku nèn yèn ji ghaàr. Wù suúy shó jii, «Vé‑eè fò ne kitú ke nsay kìn e mò, a dzə̀ m fò e wìr wo m koŋè. A m yíi fo e wò, áà wáa saʼ, a ker bùʼ wo wù dzəə̀n shó e dzə̀m. Kù dzə̀ cáʼ jii, à gbu e mǒ si, e ghvə̀m mo ji Nyùy, bo kitú ke nsay kìn kidzə̀m ki sì ké.» Jesus bìnèr sho jii, «Vé‑eè sàŋ é Ŋwàʼ Nyùy jii, ‹Wìr wáa ghvəm Tàr wov Nyùy, a yu a dzə̀ fó fo.› »

Satan nèn lì lèn, e dù sho e Jerusalem, e tìír e ntoò kitu ke lav cù, e sùúy sho jii, «Mo à dzəə̀n Wan Nyùy, líy ri fo fèn, e tìím fo nsay. Vé‑eè sàŋ é Ŋwàʼ Nyùy jii, ‹Nyùy wíy suúy, é nsheèlav sə́ sí wáa shìy wò. Sí wíy a ker wò e kiwo fo à tín kiwuú é tiy.› » Jesus bìnèr kfə́ jii, «Vé‑eè sàŋ sá jii, ‹Lá wìr yòʼ a ghiʼ Nyùy Tàr woo Nyùy və ghíʼín ji wù yii kinyo.› »