Popular Bible Verses from Luk 8

Share

Ŋgoòy ye yì tumkin é nsay ye juŋ nén a dzə wír ve á yú kinyo ke Nyùy, á ghàr shilív shimòʼón, a yiì mo kí dzəə̀n, a dù duùn fó mbìy.

Ŋgoòy ye yì tumkin é mvə̀m vikwìíy wáa dzə wír ve á yú kinyo ke Nyùy, lóo bìn ndzə̀m, á nèn a yaŋrí a dzə̀ vifá, a tàʼ vikuʼùy, a kòŋ fó a yi a dzə̀ vitú. Kinyo ke Nyùy ki nèn lày kisáŋ aáwuné meliv.

Ŋgoòy ye yì tumkin é woʼ dzə̀ wír ve á yú kinyo ke Nyùy, á kù nèn biìmé e kishéʼrì ki, e làa yòʼ way shilív shó. Kinyo ke Nyùy ki nén a dzə fo áwune moo kifá kee là gháŋ. Ŋgeʼ keʼ lóo koóy bìʼ kinyo kee shooy, áwune nèn yèʼtí e bàm.

Wù nèn dzə̀r aáwune jii, «Vèn yòʼ dzəə́ wáy shilív e mǒ wùn a?» Wúné kú a beemé áwune beémén, á wáa ker gháʼ, a ghaynín jii, wìr woo ben sà dzə̀ woó le, wo wù kantì shwér wùn à ndzə́ví, a yí yúnin wun a?

Ŋgoòy ye yì tumkin é dzəə nén a dzə wír ve á yú kinyo ke Nyùy, Satan siiy, wù nèn wìy, e fə̀ə́r kinyo kee shooy fo áwuné meliv fo áwune biímé, e wìy lùŋ.

Vèn wáa kiíy jii, kinyo ke vé‑eè lìtìn kidzə̀m ki kér fó wíy yensín, é vinyo ve ví dzəə̀n fó mesənér vidzə̀m vi fəə́sín fó meranén.

Wiíy və̀y yén ji Jesus kìíy ne kinyo ke kí kooyin, a yàʼ feyì, e dù, e tsə̀m e Jesus wuù, a fèr e màŋgòŋ si kinyo ke kí kì yiìn, bo wù kum Jesus, e kfə̀n a fèr mo wù kùmèn, yàsí və ku nèn bònén. Jesus lò, e yòŋ jii, «Yaà, à bònén bèn, bìʼ fo à wayin shilív e mǒ wùn. Dù ri kijuŋ.»

Á nèn a yìm Jesus jii, «Tàr à wíri, Tàr à wíri, vèsən sí lay e ndzəv.» Jesus yìmèn, e lò e yuv, e wàm kinsəm, e kfə̀n wàm ndzə́v ye yí kì tsə́ynin rə̀y. Kinsəm ki ku nèn yàr, ndzə́ví tiím, e kfə̀n ji nyoòŋ.