Popular Bible Verses from Luka 11

Share

Àilu ni àiya sɔn kɛwonya bɛ, ni ài k'a lɔn ài ka kan k'ài dennu sɔ fen ɲuma minu la, a lagbɛyine feu ko ài Fa min yi haijɛnɛ, wo yi Nii Sɛnɛyanin dila a dailibalu ma!»

«Ǹ'a fɔ ài yɛ wo lɔ, ài yi daili kɛ, ài do y'a sɔlɔnne. Ài y'a ɲinin, ài do y'a yene. Ài yi da makɔnkɔn, da do la yi kale ài yɛ.

Kamasɔlɔn ni mɔɔ min ka daili kɛ, wo tii y'a sɔlɔnne. Ni mɔɔ min do v'a ɲininna, wo tii y'a yene. Ado ni mɔɔ min ka da makɔnkɔn, da la yi kale wo tii yɛ.

Wo lɔ, Isa vɛɛ ai yɛ: «Ài vɛ kɛla Ala dalila, ài y'a fɔ ko: Mɔ Fa, i tɔɔ sɛnɛyanin yi buɲa. Iya masaya la yi nkɛnɛmaya.

I yi maa koyonnu lɔkoto, baa ǹu gbu yi mɔɔlu makotola minu yi koyon kɛla mɔ la. I do kà diɲa mɔ ma yi nɛɛ ka bila koyon nɔ.»

I yi bi balo di mɔ ma.

Mɔɔ ɲaden kɛyine a falikolo ma iwo fitina. Ni i ɲaden kɛnɛyanin, kɛnɛya yi kɛle i falikolo fan bɛ lɔ. Ni do i ɲaden kɛnɛyanin tɛ, i falikolo fan bɛ kɛtɔ divi le lɔ.

«Mɔɔ tɛ fitina lamɛnɛnna k'a sii dingila doonnin nɔ niwotɛ tasa kɔlɔ. Fɔ i y'a sii fitinasiiya lɔ, fɔsa mɔɔ minu yi donna bon na, wolu yi kɛnɛya ye.