Popular Bible Verses from Exodus 7

Share

Gai TAGI MAOLUNGA ga hai ange gi Moses, “Au e hai naa goe gi bei dagodo o de Maadua i daho Pharaoh, gai doo daina daane go Aaron e bei naa dagodo o de pelaabisi i oo daha.

Aagai au e hagamakaga naa lodo o Pharaoh, gai au ga hai agu hagailonga lagolago ma mee hagalele mouli i de henua go Egypt, aagai Pharaoh e dee hagallongo adu naa donu gi de goe. Gai au e hagaduasala naa Egypt, ga dagi dogu huaadangada go de gau Israel ga kave gee mai i de henua go Egypt

gi iloo ai de gau Egypt bolo go au donu go Iahweh, i de masavaa aagu e hagaduasala ai gilaadeu, ga kave gee de gau Israel mai i olaadeu daha.”

Gai Pharaoh ga hagahi ono daane heiangi ma de gau hai huuhuaa mee; gai de gau hai huuhuaa mee o Egypt ga hai hogi olaadeu dogo gu ni labodo. Gilaadeu alodahi ne tili iho hogi olaadeu dogo gi honga de gelegele, gai denga dogo laa gu sui ga ni labodo. Aagai togo o Aaron ga holo denga labodo ange laa.

E hagadaba TAGI MAOLUNGA: De mee nei se hai gi iloo ai e goe bolo go au donu go Iahweh. Au e hagaili naa honga ssaalingaa vai go Nile i togo i lo togu lima nei, gai denga vai iai e sui naa ga ni dodo.

“De masavaa naa huu a Pharaoh e hai adu ai gooluu gi haia dahi mee hagalele mouli, gai koe ga hai Aaron gi dilia iho dono dogo i mada luu mada o Pharaoh, gai togo laa e sui naa ga se labodo.” Gai Moses ma Aaron ga hulo gi daho Pharaoh ga hai donu gu bei muna a TAGI MAOLUNGA gu tala ange gi gilaau. Aaron ne tili iho dono dogo gi lalo i madamada o Pharaoh ma ono dangada hai hegau, gai togo laa gu sui ga se labodo.