Popular Bible Verses from Roca 1

Share

Deopa ssamo tarraraui −narrari Cabirieo atti.

Nazama Maria poni attinipe: —Rrehe, Deocca zozosse orrani. Poua Attiza ibora onani. Arri uati tinarrarope Deo ouaza inanana −narraro. Nazapa Deo Atti ccaccaronade Cabirieo toccamacossanirrari.

Naraha manaco Cabirieo uati tarrari: —Deo Corimepa tiaza bacco naronauitoui. Deo memeuarri madirraripa tiaza pocca dacorehe inananitoui. Pina meme esseni nauini tiaza uezana narrarossa nezape Deocca dacorehe tiaza torraniuarrine. Narrarorrine erredeni nauatorraripa uimasiri cappira, bodi ssiuarra tauitoui. Pouaza: “Deo Bedi” quequenanauitoui.

Rrehe, ia Zozossede Deo tiaza uati tapouicca uima parrissa torraniuarrine parrissa tezape Deo tiaza uima bicani inanarraro −narraro Izabeo Mariaza.

Rridapanapa erredeni tizoneza uittizauitoui. Nazama erredeni tossonaza onipa: Zeso, tana −narrari. —Pouapa denima madirra bicaui torrauitoui. Pouaza: “Deo memeuarri madirraricca Erredeni” quequenanauitoui. Ticca erredenipa ia Zozossede Deorrine tamine deni torrauicca torrauitoui, pina pocca idi maittaccazamacca tamine Dabissa nauitoui. Pouapa pocca madirra Izarraeo potemaui ecauabaqqui-zanapouitoui. Pocca cacauehe naqui rriquerreranitoui −narrari Cabirieo atti Mariaza.

Nanarra Cabirieo poniza uati tapomarrari: —Maria ticappina-rrerarri. Deoza bica tinani.