Popular Bible Verses from LUKA 11

Share

Kami na hoih o ai eloa na caanawk to hmuen kahoih paek han loa na panoek o parai. Totibaloa van ih kaom Pa mahcae loa angmah khaeah Cai Pakhra ka hnih kami to loa natanmaw paek han koeh aep tih!” tiah a naa.

“Topongah hitih hiah kang thuih o: Hnih oh, na hak o tih; Pakrong oh, na hnuh o tih; takhuek oh, nangcae hanah thok paong pae ah om tih.

Kawmawtiah ka hnih kami boiboih loa hak tih, pakrong kami loa hnuh tih, takhuek kami boih hanah thok to paong pae ah om tih.

Jesuh mah anihcae khaeah, “Khophoeh o na-ah hitiah thui oah: ‘Kaicae Ampa, Na hmin kacai khangzahaih oh na soe; Na Poenghaih pha na soe.

Kaicae nui ih zaehaih ka sah kami boih ka tahmen o pongah, kaicae zaehaih tahmen toeng ah. Tanoekcakhaih ih karai to na phasak hmah,’ tiah khophoe oh,” a naa pae.

Nithokkruek kangtoeng o ih caknaek na paek ah.

Na mik loa na takbum hanah hmai-im batih ni a oh. Na mik to aang na-ah na takbum boih to aang, to-e na mik to hoih ai na-ah na takbum boih to vinghaih thungah a oh.

“Amimah doeh hmai-im pa-aang na-ah hawk vaih ai, tiaibaloa takho hoiah doeh muek khoep vaih ai; im thungah ka kun kaminawk mah aanghaih to a hnuk o thaih hanah hmai-im pa-aanghaih ih hmaitung nuiah ni pahnut o toemtoem.