Popular Bible Verses from San Marcos 13

Share

Ya me yil-o'tantayex spisil ants-winiquetic ta jcuenta; pero te mach'a ya xcuhch yu'un c'alal ta slajibal, ya me xcol.

Ila me abahic, wic'sitaya me abahic soc c'oponahic Dios, como ma na'biluc awu'unic bin ora hich ya xc'oht ta pasel.

Pero te c'alal ya yiq'uex bahel yu'un ya yaq'uex ta c'abal, ma me xc'opoj awo'tanic yu'un te bin ya xc'oht awalic, ha me xawalic te bin ya x'ac'otex ta yalel ta hich ora, como ma ha'uquex te ya xc'opojex, ha ya xc'opoj te Ch'ul Espíritu.

Ya xlaj ch'ulchan soc bahlumilal, yan te jc'ope ma xlaj stuquel.

Pero mayuc mach'a ya sna' bin c'ahc'alil soc bin ora ya xc'oht ta pasel, ni ha'uc te ch'ul a'batetic ta ch'ulchan, o te Nich'anil, ha nax stuquel te Tatile.

Pero te c'alal yac awa'iyic te ay guerrahetic soc te ya xchicnaj ta halel te ya xhahch guerrahetic, ma me xnihc awo'tanic yu'un; como hich me ya xc'oht ta pasel, pero ma to ha'uc te slajibal c'ahc'ale.

Ha yu'un te ha'exe, wic'sitaya abahic, como ma na'biluc awu'unic bin ora ya xhul te yajwal na, teme ta yihc'ubel q'uinal, ta ohlil ahc'abal, ta sba-oq'uelan mut, o ta sacubel q'uinal, scuenta yu'un teme repente nax ya xtal, ma ba wayalex a ya xhul stahex. Te bintic ya calbeyex, ha nix hich ya calbe spisilic: Wic'sitaya me abahic, xchi.

Como talel c'axel me ya xhahch scontrahin sbahic te nacionetic, soc ya me scontrahin sbahic te jujuchahp banti scuentahinejic; ya xtal nihquel ta bayuc soc wi'nal; ha shahchibal to nax sc'uxul.

Ya sc'an te nahil ya yich' halel te lec yach'il c'op ta spisil nacionetic.

como ay tsobol ya xtalic ta scuenta jbihil, te hich ya yalic: Ho'on Cristohon, xchihic, hich ya slo'loyic tsobolic.

Tsahtaya me abahic; ya me x'ac'otex ta stojol jchahpawanejetic soc yac awich'ic majel ta sinagogahetic; ya xtehc'anotex ta stojol gobernadoretic soc ta stojol ajwaliletic ta ho'on jcuenta, yu'un testigohetic ya xc'ohex cu'un ta stojolic.

Como ya me xchicnaj lotil cristohetic soc lotil jalwanejetic te ya yaq'uic ta ilel señahiletic soc jchahp a'teliletic yu'un ha ya slo'loyic a te mach'atic tsahbilic, te yacuc xhu' yu'unique.

Pero ta hich ora, te c'alal c'axemix a te wocole, ya me x'ihc'ub te c'ahc'al, ma xyac' sts'anabul te u, ya me xlaj ch'ay cohel tal ta ch'ulchan te eq'uetic soc ya me syuc' sbahic te bintic ay ta sjamalil ch'ulchan.