Popular Bible Verses from 2 Wakorintho 4

Share

Kwani sitilolagha agha gheonekagha tu, ela talola na ghalye sigheonekagha. Kwani agha gheonekagha ni gha ngelo, ela ghalye sigheonekagha ni gha kale na kale.

Kwa undu ughu lyingi sitifwighagha ngolo. Hata ngera sani mili yetu yekuoleni, ela kiroho tendedeo uishi kila ijua. Kwani matiriro agha ghawanguwe ni gha ngelo tu, ghetipatilagha malagho mabwaa gha ubwaa ghuisagha ghose.

Tasirimiso kwa kila ngila, ela sitifwanyilofwanyilo; tapata wasi ghwa ngolo, ela sitifwighagha ngolo; tatiriro, ela sitisowagha uwaruri, tadaho tigwe, ela sitiulagho.

Ela isi tio na mali iyi ya kiroho sa nyungu, yaonyeza kamba Mlungu niye ewo na ndighi na si isi.

Mlungu wa ughu urumengu niye awadea kukala vifondo wa akili awa siwedumusagha, eri siwaone mlangazi ghwa Injili ya ubwaa ghwa Kristo, uyu ewo wa ifwani lya Mlungu.

Kwani Mlungu niye aghorire, “Mlangazi ghujelangaza kizeni”, naye walangaza akili zetu kutiletela mlangazi ghomanya ubwaa ghwa Mlungu kele ushu ghwa Kristo.