Popular Bible Verses from HECHOS 4

Share

Shina cashcamanda, ashtahuan shuj quishpichijca maijambash na tiyanllu. Ñucanchi quishpiri ushachun, cai pachapi runacunaman cushca shuj shutica ashtahuanga na tiyanllu” nijurcami.

Chashna mañashca jipami, paicuna tandanajushca pushtuca chujchurca. Tucuicunami, Jucha illaj Diospaj Espíritu junda cashpa, Diospaj Shimitaca ninan ushaihuan villanajurca.

Jatun Dioslla, cunanga, paicuna llaquichingapa munanajujtaca ricupayari. Cambajta rurajcunaca, na manllashpa cambaj Shimita villachun ushaita carapayari.

Chai Jesustami cangunaca, huasichingapa imapapash na ali rumitashna shitashcanguichi. Ashtahuangarin Paica, huasi pirca tigranapi churana jatun rumipachami tucurca.

Pedropash, Juanbash, na imatapash yachajushca, yangalla runacunami carca. Shina cashpapash, paicunaca na manllashpa, alitapacha villanajujpimi, mandajcunaca ninanda manllarijurca. Paicunataca: “Jesushuan purinajushpami chashnapacha yachajushca” ninajurcami.

Ashtaca crijcuna cashpapash, tucui shunguhuan, tucui almahuanmi, shujllashnalla yarishpa causanajurca. Imata charishcacunapash, tucuicunapajmi carca. Shina cajpimi, “caica ñucapajmi” nishpaca, pipash na ninajurca.