Popular Bible Verses from JUAN 11

Share

Shina nijpimi Jesusca, cashna nijurca: “Ñucami causachijpash, causaita causagrinata carajpash cani. Ñucata crijcunaca, huañushca cashpapash causaringami. Cunan causanajushpallata, ñucata crishpaca, na huañushpami causaita causanga. ¿Chaitaca cringuichu?” nijurcami.

Shina nijpimi Jesusca: “¿Nachu, can ‘crishpaca, Taita Diospaj ninan ushaita ricunguimi’ nircani?” nijurcami.

Chaipimi Jesuspash huacarca.

Chaita uyashpami, Jesusca cashna nijurca: “Cai ungüihuanga, na huañungachu. Ashtahuangarin Taita Diospash, Paipaj Churipash, ninanda jatunyachi tucuchunmi chashna tucushca” nijurcami.

Shina nishpallami: “¡Lázaro, chaimanda llujshimui!” nishpa shinllita caparirca. Shina caparijhuanmi, Lázaro runaguca, maquitapash, chaquitapash pillushpa huatashca, umatapash finduhuan quilpashpa pillushca llujshimurca. Shina llujshimujpimi, Jesusca: “Pillushcacunata pascashpa, richun saquipaichi” nirca.

Jesusca, ninandapacha cutin llaquirishpami, Lazarota pambashca pushtuman shamurca. Chai jatun utujutaca, rumihuan jahualla jarcashcami carca.

Shina nishca jipami, cashnatapash nijurca: “Ñucanchipaj cumba Lazaroca puñujunmi. Ashtahuangarin paita rijchachingapami rijuni” nijurcami.