Popular Bible Verses from JUAN 12

Share

Ñucata catingapa munashpaca, catihuaichilla. Ñucapajta rurajushcamandami, Ñuca maipi cajpipash Ñucahuan causagringa. Maijan ñucapajta rurajtami, Ñuca Taitaca ninanda alicachinga.

Maijambash paipaj causaita juyashpaca, chingaitami chingagringa. Ashtahuangarin, cai pacha causaita millanayachishpaca, causaitami causagringa.

Napacha llullashpami cangunataca cashna nini: Trigo muyu alpapi na urmashpa, na pambarishpaca, muyullata tiyajungallami. Ashtahuangarin, pambarishpa viñashpallami ninanda fucunga.

Ñucami, michagushna punchayachingapa cai pachaman shamurcani. Ñucata crishpaca, ama ashtahuan yana yana tutapishna causanajuchunmi shamurcani.

Ñuca villajuj shimicunata uyashpapash na cazujtaca, na Ñuca llaquichishachu. Cai pachapi causajcunata llaquichingapaca, na shamurcanichu. Ashtahuangarin cai pachapi causajcunata quishpichingapami shamurcani.

Chaipimi, Mariaca ashtaca culquipaj jatuna mishquilla ashnajun nardo sisamanda llujchishcata, shuj libra canatashna apamurca. Chaihuanmi Jesuspaj chaquipi javishpa, paipaj ajchahuan chaquichijurca. Chai huasi ucuca mishqui mishquitami ashnajurca.

Paicunaca, quiru malquicunata cuchushpami, Jesusta tuparingapa llujshinajurca. Paicunaca cashna nishpami caparinajurca: “¡Diosca ninanda alicachi tucushca cachun! ¡Jatun Diospaj shutipi shamuj, Israelcunata Jatun Mandajca aligumari cangui ni tucushca cachun!” ninajurcami.

Paicuna villajpimi Jesusca: “Runa Aichayuj tucushca Ñucataca, ninanda alicachina punllacunami ña chayamushca.