Popular Bible Verses from JUAN 2

Share

Galilea llactapi tiyajuj Caná pueblopimi, pipash na rurai ushanallacunata rurashpa, Jesusca ricuchi callarirca. Imatapash rurai ushaj cashcata ricuchijpimi, Paipaj yachajujcunaca Jesusta crinajurca.

Shina nijpi Jesús tigrachishpaca: “¿Mama, ima nishpata chaitara nihuangui? Ñuca imaguta rurana punllapash nara pactamunllu” nirca.

Chaipimi Jesusca: “Chai rumi funducunapi yacuta jundachipaichi” nishpa mandarca. Shina nijpimi chai rumicunapi jundachinajurca. Chaipimi paicunataca: “Ashaguta vishishpa, jatun serviciopajman apaichi” nirca. Shina nijujpimi vishishpa apanajurca.

Shina ninajujpimi Jesusca: “Diosta yarina cai huasitaca, shitashpa ñutuichilla. Quimsa punllahuanga cutin shayachishallami” nijurca.

Jesusca, huascacunata azialta rurashpami llamacunata, huagracunata, Diospaj huasi ucumanda tucuillata canllaman astishpa calpachirca. Shinallata, culquita randishpa jatuj runacunapaj culquicunatapash, mezacunatapash shitashpami saquirca. Shinallata, palomacunata jatujcunataca: “Caicunataca, caimanda llujchishpa canllaman apaichi. Ñuca Taitapaj huasitaca, jatushpa tiyana huasitaca na ruranachu canguichi” nijurcami.