Popular Bible Verses from LUCAS 24

Share

Ñuca Taita cangunaman ninan ushaita ‘carashapachami’ nishcataca, Ñucami cangunaman cachamusha. Ashtahuangarin, cangunaca jahua pachamanda chai ushaita chasquingacaman, Jerusalén pueblopi shuyanguichilla” nircami.

Paica na caipichu, ñami causarishca. Galilea llactapi cangunahuan purijushpa, villashcatami yarina canguichi

Shina carajpimi, paicunapaj ñavica pascarijshna ricushpa, Jesús cajta rijsinajurca. Ashtahuangarin Jesusca, paicunapaj ñaupajmanda ñapash chingarcallami. Shina chingajpimi, paipura cashna nirinajurca: “¿Nachu Dios quilcachishca Shimita ñucanchiman villashpandi shamujushpaca, ñucanchi shungupi chayajta rimarca?” ninajurcami.

Paicunataca cashnami nirca: “Quilcashcapica, chashnapacha tucunatami villajun. Chashna villashcashnami, Cristoca huañuchi tucushpa quimsa punllahuanga, huañushcacunapaj chaupimanda causarinapacha carca. Shinallata, juchata saquishpa Diosman tigrarichi nishpa paipaj shutipi villachunmi, Jerusalenmanda callarishpa, tucui llactacunaman cachanga.

Paicuna chayashpaca, utujuta jarcashca rumita suchuchishcatami ricurca. Utujuman paicuna yaicushpaca, Apunchi Jesustaca na tarircachu.