Popular Bible Verses from LUCAS 23

Share

Chashna ruranajujpimi Jesusca, cashna nirca: “Ñuca Taitalla, perdonapailla na yachaimandami cashna ruranajun” nirca. Macanajuj runacunaca, pipaj urmajta yachangapa rurashpami, Jesuspaj churajunataca paicunapura chaupirinajurca.

Shina nijpimi Jesusca, chai runataca cashna nirca: “Na llullashpami candaca cashna nini: Cunanllatami, paraisopi Ñucahuan cangui” nirca.

Shina nishpallami Jesustaca: “Can mandangapa shamushpaca, Ñucataca yarihuangui” nirca.

Chai jipaca Jesusca, ninanda caparishpami: “Ñuca Taitalla, Cambaj maquipimi, Ñuca espiritutaca mingapani” nirca. Shina nishpalla huañurcallami.

Uma Tullu shuti lomaman chayashpami, Jesustaca cruzpi chacatanajurca. Chaipimi na alita ruraj runacunatapash, shujtaca aliman, shujtaca lluquiman churashpa chacatanajurca.

Chaupi punllashna canamandaca, chishi quimsa pachacamanmi, tucui cai pachaca yana yana tucurca. Indipash yanayarcami. Diospaj huasi ucupi huarcushca jatun fachapash, chaupipimi liquirirca.

Chashna tucujujta patsaj macanajuj runacunata mandaj ricushpaca, Taita Diosta ninanda alicachishpami: “Cai runaguca, alitalla rurajpachami cashca” nirca.