Popular Bible Verses from Lukas 14

Share

“Tulun nopo di rumikot siri Dogo nga misti au kojuu Dogo lobi mantad iamojo om iinojo, om savojo om tangaanakjo, om tongosulodjo kusai om tongondu om i kovijaanjo kondiri. Nong okonko irad dino, au isido osiliu do tulunKu.

Om isaai nopo iri au monimban di salibjo kondiri, irino mijau matai tumaan di kasansaraanjo sabap aparsaya Dogo om maja nogi Dogo nga aui isido osiliu do tulunKu.

Do pointikid-tikid do tulun di misinggagajo nga irino poinsuribakon, om isaai nopo tulun di sumuribak i ginavo nga irino poinggojoon,” kadi poiradan di Yisus.

Om irad nogi dino, isai-isai nopo dikovu do au kalangkat diri onuu nopo i si disido kondiri nga aui isido kosiliu do tulunKu,” kadi Yisus.

Nong kivaro dikovu mamaal do valai tasavat nga misti mongijappo laaid diri siinjo nong kosukup do ivaal di valai ko au. Do nong au, osia-sia naama potonduk di torigi diri ko oopod i valai diri sabap aui kosukup iri siinjo. Nong irad dino tantu do irak-irakan isido di tongotulun diri koontong, om kadino di tongotulun, ‘Notimpuunani diri tulun mamaal nga aui dii nakadapat mongopod do aui kosukup iri siinjo,’ kaano diri tongotulun do nokoontong.

Nga nong mongoloouko nopo do tulun do moginakan nga loovono i tulun di miskin, om i pukung i takod om iri longon, om i mimpo-kimpo mampanau om i bolou, om ososogitkoi, do iolo nopo nga ausoi isuli dika. Nga ontok kovijaan kavagu di tulun do abanar, suliankoi di Kinoringan,” kadi Yisus.

Om minaganu i Yisus do iso poiradan kavagu do monuduk Isido di tongotulun do isaai nopo sumiliu do tulunJo nga irad do tasin, kaDisido, “Tasin nopo mimang aandai pongongosin do onuu nopo do taakanon supaya au apasa, jadi sabap aandai i gaagaya di tongotulunKu nga okodos i tulun vokon di gaagaya do araat. Nga nong malono iri rasa do tasin diri nga auno dii moilo poosinon kavagu. Irad dino ausono dii kogunaan insan silionpo do baja nga ausono dii kogunaan, misti do itaam iri. Nga isaai nopo iri kitolingo, rumongouno marong diti tinangaranKu,” kadi Yisus.