Popular Bible Verses from Matius 21

Share

Om onuu nopo iri pokionuon muju saralom sambayang muju, nga kaanui nong aparsaya kovi do oonuan kou di pokionuon muju,” kadi Yisus.

Jawap kadi Yisus, “PatangaronKu marong dikovu iti, nong aui opiduvo ino ginavo muju aparsaya do Kinoringan, okoniko korujou kou noopo diti nunuk irad diti vinaalKu, do insan ilopo kulud nong tangaron muju do, ‘Valiuno silo laut,’ ka, nga misti do maliu ilo kulud.

Om oguu dii i tongotulun sampanau-panau siri gulu om siri touriJo do sonluvapan do mangarajou Disido, kadiolo, “Usana! Rojoo tokouno i koturunan di Daud. Kibarakatno i Yisus do rinumikot Isido saralom ngaran do Tuhan. Usana! Rojoo tokouno i Kinoringan i poingijon soi savat suruga!” kadi tongotulun.

Om kaDisido diolo, “Kivaro nokotulis siri Kitab do, ‘Ponguranan do tulun iri valaiKu do valai sasambayangan,’ kadi Kinoringan, nga inombo nogi dii do iradon muju do luvang ijonon di tulun do parampuk,” kadi Yisus.

“Patangaronno di tulun siri Siun do irad diti, ‘Antangaino i Raja muju do rumikot sino dikovu do osuribak i ginavo, do poinsako do kaladai, irino tanak do kaladai,’ kanto,” kadi nabi.

Om kadi Yisus kavagu, “Nakabasa kou bo gia di tinangaran siri Kitab do ka, ‘Iri nopo vatu nitaam di mamamaal do valai, sabap panantaman daa diolo om au aandai, ombo bala iri do irino vatu sinumiliu do pinonimpuunan do mamaal do valai. Om irino vinaal do Tuhan om irino kinoiranan tokou mongontong,’ kadiri tinangaran si Kitab.

Irad nopo dino, mitangar Oku dikovu do au kou porintawon do Kinoringan sabap do au kou maja di kouvanganJo. Nga iri nopo bansa vokon do maja di kouvanganJo om irino porintawonJo.