Popular Bible Verses from Luku 10

Share

Nia ara nake vanamu ira leghu gigima nga mala paufina ia kana, o mala deke dalapari ghu ghau ira adogho nia ira nodi uke tetehi, e ghua. E deo ghu heve ta boka ngovala ghauna.

Ghe neke ghua iahi neke va kahe ghinina ia Lod “!Mata, Mata! Agho mu no puina hangapuaha ghidi ngama tehi leghutauni! Kaike leghutau mo mu ta toraina tongovona fuluduna, ta mala ngana hetaina agho. Mere mo mu ne faetina leghutau ta lotoro ianimu, ia ta deo ga age hio kai tana ghu ara manei.”

Ia mane neke kahe ghua iahi, “ ‘Agho o toraina namaha ghini ia Lod nia ia nou God ka ia hihingou kamoto, ka ia tarungau kamoto, ka ia gigimau kamoto, nia ka ia nganganau kamoto.’ Nia, ‘namaha ghidi ira keha noni taremehau taghe ta ghua ghinigho niala taghou.’ ”

Va kahe ghidi tuna neke ghua Zisas, “Ira ghano ta mala hio varighara ghidi ka ira galahedi nunuma to puina tehi fuludu, ghe ira maneriva e deo gedi tehi ghu. Tarai fangai ghu ia Lod ta kutadi ghano irahi, e tuhu laori ghu manei keha manerivarani ka ira nona galahedi nunuma.

“?Hei mo ka lito mane irahi mu ta taremehanana mane dike ruza dodolini iahi ira mane ta sisiko?” neke ghua notohona Zisas. “Ia mane neke dudumana ghinio manei mo,” neke ghua ia mane ta avoho fikifokoi ia vetula. Ianimu tuna ghe neke kahe ghua nga iahi Zisas, “Uve, o lao haro ghu agho, o la riva ghini ghu taghe ianimu.”

!O ghahe ghu ghau! Ghe o ngana avohi va ghahe ghau ini ara mu, taghe sipisipi ta tuhu laori ka ira hoataidi ira wulufu, e ghua.