Popular Bible Verses from Maki 11

Share

A va kahe ghini ghau ghu ara fafahakana iahi: Noto tarai fangari la ghau keha leghutau, o va hohoghonai tato hioina ghau, o age hioi mo ghu ghatu heve leghutau noke fangaino.

A torai va kahe ghini ghau ghu ara. Noto kahe ghini la ghau vuhuku iahi, ‘Kabai ghini God ta koroho vonaighona, ta fera kai laoighona ghu ka tahio,’ noto ghua la ka ira hihingomu deona go ngana palupalu ghu, va hohoghonaina heve noke kaheio ta age dufuna ghatu, God e age va ghuduvu vanamu tudu ma.

Nia ka ia tetu tarai ghau, o kusu kai hazarina nga ira nganganamu ta sota ghini ia keha noni, ka ira muko neke va riva ghini ghauro manei, mala e kai hazari ghu molamo nomu Mama fate ira sasake ka ghau.”

Ianimu tuna ghe neke kahe ghidi nga Zisas ira mane ta nonofoi, “O au ghau va hohoghona ka God.

Ianimu tuna ghe neke va kakahe ghidi nga manei kahe ghuana iahi, “Ira Kakangava Ta Maduana ne kaheina, ‘Ia Sugagu ara mu, e mala va kudo ghini malau mala tarai ka ira sare soloso haroharo,’ ghe ghau noto fihikini ka malau mala poika ira noni ta sisiko.”

Ira noni dike auro ka kenuna Zisas, nia ira dike ghahe leleghuio leghuna mo e ghua, dike kudokudo, “!Helahela ghini God! !God, va beani manei ia ta meha ka ia babaolona ia Lod!

!God, va beani ia ravutu ta meha ka Deveti ia faada! !Helahela ghini God ka malaunao fate!” dike ghua.