Popular Bible Verses from Maki 12

Share

Ungene tughuna ka Zisas mu neke ghua iahi, “Toraina ungene va gigima ta tongovonana ka God ka giliona ia Buka Mosese mu iahi: ‘!O nonomoho, ghau ira noni Isiraeli! Ia Lod ia noda God lama mu ia Lod. O toraina namaha ghini agho ia Lod ia nou God ka ia hihingou kamoto, ka ira nganganau kamoto nia ka ia gigimau kamoto.’ Va paluna ungene va gigima ta toraina tongovonana mu iahi: ‘Namaha ghini ia noni taremehau, taghe ta namaha ghinigho niala taghou.’ E deoni keha ungene va gigima ta tongovona fuludu laorira palu irahi.”

Zisas neke kudo varighara ghidi ira nona mane ta nonofoi, ghe neke va kahe ghidi nga, “A toraina va kahe ghini ghau ghu ara, fotati ta lemekai ta kuma iahi mo mu, neke kai va faa fuludu lao rongona ka ira keha dike kakai laoro, vununa kakaina ka maneri neke birusuna tei ma ka ira rongo leghaha ta taghori maneri, nga fotati ta lemekai ta kuma iahi mu, neke kainina ia toraina va nonoghana rongo neke kuruio manei.”

Zisas neke la nohe namoi ia bokese mala nai lao rongo ka giliona ia Sugana God, ghe neke matori nga ira noni ta la kakai. Ira tehi noni ta taghotagho dike kai lao rongo va faa. Ianimu tuna ghe neke la meha nga kaike fotati ta lemekai ta kuma, neke nai haghele laori ghu palu rekahadi kunegele teri ta kapa, ta deo ge dufui ghu gigimana kaike seniti.

Nia ghita da toraina namaha ghini God ka ira hihingoda kamoto, ka ira nganganada kamoto, ka ira gigimada kamoto, nia ghita da toraina namaha ghidi ira noni taremehada, taghe taghodai la ta ghua ghidira, e ghua. Iahi mo mu ta toraina tongovonana ka God, fuludu laorira ira leghu ghaghahedi kudoveha ta saligari nga, nia ira veala ta toraina mala leghuri ka ia vetula, e ghua.”

“Neto ghua la ianimu, vanani Sisa nonara manei, nia vahina leghutau nga ka God tuna, go torai vanani ghu God, e ghua,” neke ghua Zisas. Ungene tughu iahi ka Zisas, dike toraina age nodi ferei fuludu maneri.