Popular Bible Verses from Luhzaz 14

Share

"Jixzawh gawz maz dih gux inxnaeh, mboq ngaiq gux nyeuz bohmeh hoakri, mijmez hoakri, lug hoakri, bihnongx zaiz hoakri, bihnongx nyingz hoakri, aen mingh hoakri, zoq mboq ndaej hoak cohsaenz gux.

Gawz mboq baz maexngamzchaz hoakri nowngz gux, mboq venq cholaeng gux tai, gawz goj zoq mboq ndaej hoak cohsaenz gux.

Gawz aeu hoakri hoak dwx, gawz toj ndaej hoak ix mboqyaq; gawz aeu hoakri hoak ix, gawz toj ndaej hoak dwx mboqyaq."

Baenzzaqnaeh, boangx su gawz gojndae, jixzawh mboq viangh gaenq hoakri nauq, zoq mboq ndaej hoak cohsaenz gux.

Gaenqsu miz saek goanz daengj rownz sung mboq suanq daekgoanq mux? Gawz goj suanq daekgoanq, lez bae gajrawz jenz, lez miz mboq miz jenz daengj. Jixzawh qix dej dix yaq, daengj daengz aen mboq baenz, gawz leztaen gawz goj kosaemj dix, hax: ‘Goanz naeh naengz hax daengj rownz sung wzngah! Dix qix gaj dej dix yaq haeuz hoak mwz naj mboq baenz.’

Mawz qingj daenh maz jin zwzrawz, qingj sowh puj baenzluk naeh, qingj puj mboq miz qen ka naeh, qingj puj ka'ndiak, qingj puj ta'mbud. Paenqdix yowngh aeu gaeng mbaiq mawz mboq miz, taj taeng vaenz sowh puj gaemz hax mboq miz naeh daeuq zaeu zwzrawz, dij Sen toj miz gaenq aeu mbaiq mawz mboqyaq. Baenzzaqnaeh mawz zoq faengz yah."

"Gow zawh gaenq ndae, gaj jixzawh gow mboq ndaengq, naengz rux aeu gaeng hawj dix daeuq ndaengq mux? Sowh gow mboq ndaengq naeh, aeu dwk ndaw naz goj mboq baenz, aeu dwk ndaw pwnq goj mboq baenz, aeu viangh bae baihnog daengzhwx. Miz mbawchu rux biak, zoq caqsiq biak!"