Popular Bible Verses from ᤗᤠᤶᤍᤡᤰ 31

Share

“ᤀᤥᤔᤧᤳᤋᤧ᤹. ᤕᤜᤢᤍᤠᤒᤠ ᤌᤠ᤺ᤰᤁᤥᤒᤠ ᤜᤢᤖᤖᤧ ᤁᤢᤶᤔᤧᤴᤇᤠ᤹. ᤀᤢᤖᤡ᤺ᤸᤗᤧ ᤁᤢᤛ᤻ᤛᤠ ᤒᤈᤗᤣ᤺ᤸᤗᤧᤴ ᤛᤣᤃᤢᤱᤅᤠᤱ ᤘᤠ᤹॥ ᤀᤠᤱᤃᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤕᤠᤶᤛᤠᤶᤔᤡᤸᤗᤧ. ᤛᤡᤰᤁᤢᤶ ᤏᤡᤱᤘᤠ᤹ ᤏᤢ ᤂᤠᤛᤡᤱᤏᤡ᤺ᤵᤔᤧᤸᤗᤧ. ᤁᤧᤖᤧᤰ ᤐᤖᤡᤰᤐᤠ ᤆᤥᤒᤣᤃᤢ ᤛᤡᤰᤁᤢᤶ ᤏᤡᤱᤘᤠ᤹ᤖᤧ ᤁᤧᤗᤧᤒᤠ ᤆᤥᤃᤢᤱᤅᤠᤱ ᤘᤠ᤹॥ ᤂᤧᤸᤗᤧ ᤛᤠᤶᤔᤩᤠᤱ. ᤕᤢᤵᤐᤠ. ᤁᤠᤛᤠ ᤁᤢᤜᤢᤰᤘᤠ ᤐᤏᤢ᤹ᤏᤢ᤹ᤖ ᤕᤠ᤺ᤶᤒᤰ ᤆᤥ᤺ᤰᤔᤠ. ᤜᤧᤰᤁᤩᤠᤱ ᤗᤢᤱ ᤂᤰᤔᤠ ᤏᤢ ᤁᤠᤶᤔᤠ. ᤛᤡᤱ ᤗᤰᤔᤠ ᤂᤧᤒᤩᤠᤱ ᤁᤧᤖᤧᤰ ᤐᤖᤡᤰᤐᤠ ᤆᤥᤒᤣᤃᤢ ᤆᤥ᤺ᤰᤔᤠ ᤕᤠ᤺ᤶᤒᤰ ᤆᤥᤃᤢᤖ॥

“ᤂᤧᤏᤧ᤹ ᤀᤡᤛᤪᤠᤀᤡᤗᤡᤜᤠ᤹ ᤀᤰᤂᤣᤀᤠᤱ ᤔᤧᤳᤋᤧᤛᤧ᤹. ‘ᤂᤡᤏᤡ᤹ ᤛᤧᤰᤂᤠᤛᤠᤱ ᤀᤠᤱᤃᤠ᤹ ᤀᤠᤏᤠ᤺ᤶᤛᤡᤱᤔᤠ ᤕᤧᤴᤜᤠ᤹ ᤀᤡ᤺ᤳᤋᤧᤶ ᤏᤠ᤺ᤳᤋᤧᤶᤔᤧ᤹॥ ᤂᤡᤏᤡ᤹ ᤏᤢ ᤀᤠᤱᤃᤠ᤹ ᤗᤢᤶᤔᤥ ᤁᤴ ᤗᤳᤇᤠ ᤛᤍᤠᤍᤡᤱᤒᤠ ᤔᤡᤰᤛᤣᤴ ᤐᤥᤱ᤹. ᤀᤠᤱᤃᤠ᤹ ᤕᤜᤘᤣ ᤍᤠᤱᤒᤧᤸᤗᤧᤀᤣ ᤂᤡᤏᤡ᤹ ᤛᤣᤛᤣ ᤆᤥ᤺ᤰᤏᤡᤱ᤹ ᤑᤠ᤹ᤀᤠᤱ ᤂᤡᤏᤡ᤹ ᤏᤡᤱᤘᤠ᤹ ᤂᤥᤛᤧᤶᤔᤧ᤹॥

ᤀᤠᤱᤃᤠ᤹ ᤏᤢ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤂᤢᤴᤇᤡ᤹ ᤗᤢᤶᤔᤥ ᤂᤧᤴ ᤛᤍᤠᤍᤡᤱᤗᤧ ᤗᤠᤃᤡ ᤗᤳᤇᤠ ᤔᤡᤰᤛᤣᤴ ᤐᤥᤱ᤹. ᤌᤣᤀᤠᤱᤓᤧᤸᤗᤧ ᤕᤜᤘᤣ ᤍᤠᤱᤒᤧᤸᤗᤧ ᤋᤢᤰᤛᤡ ᤕᤧᤴᤜᤠ᤹ᤀᤥ ᤋᤖ᤺ᤱᤍᤡᤱ ᤋᤠᤱᤛᤠᤱ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤆᤥᤃᤢ. ᤁᤖ ᤏᤢᤛᤡᤃᤣᤰᤐᤠ ᤕᤧᤴᤏᤥ ᤂᤢᤏᤧ᤹ ᤕᤠ᤺ᤶᤒᤰ ᤆᤥ᤺ᤰᤔᤠ ᤗᤧᤖᤢᤀᤠᤱ ᤏᤠ᤺ᤶᤛᤡᤱ॥’”