ᤗᤠᤶᤍᤡᤰ 31
31
ᤕᤜᤘᤣ ᤍᤠᤱᤒᤧᤸᤗᤧ ᤁᤢᤕᤢᤱᤔᤠᤍᤧᤴ ᤁᤧᤈᤥ᤺ᤰᤐᤠᤜᤠ᤹
1ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤔᤥᤛᤠᤴ ᤔᤧᤳᤋᤢ. 2“ᤀᤥᤔᤧᤳᤋᤧ᤹. ᤕᤜᤢᤍᤠᤒᤠ ᤌᤠ᤺ᤰᤁᤥᤒᤠ ᤜᤢᤖᤖᤧ ᤁᤢᤶᤔᤧᤴᤇᤠ᤹. ᤀᤢᤖᤡ᤺ᤸᤗᤧ ᤁᤢᤛ᤻ᤛᤠ ᤒᤈᤗᤣ᤺ᤸᤗᤧᤴ ᤛᤣᤃᤢᤱᤅᤠᤱ ᤘᤠ᤹॥ 3ᤀᤠᤱᤃᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤕᤠᤶᤛᤠᤶᤔᤡᤸᤗᤧ. ᤛᤡᤰᤁᤢᤶ ᤏᤡᤱᤘᤠ᤹ ᤏᤢ ᤂᤠᤛᤡᤱᤏᤡ᤺ᤵᤔᤧᤸᤗᤧ. ᤁᤧᤖᤧᤰ ᤐᤖᤡᤰᤐᤠ ᤆᤥᤒᤣᤃᤢ ᤛᤡᤰᤁᤢᤶ ᤏᤡᤱᤘᤠ᤹ᤖᤧ ᤁᤧᤗᤧᤒᤠ ᤆᤥᤃᤢᤱᤅᤠᤱ ᤘᤠ᤹॥ 4ᤂᤧᤸᤗᤧ ᤛᤠᤶᤔᤩᤠᤱ. ᤕᤢᤵᤐᤠ. ᤁᤠᤛᤠ ᤁᤢᤜᤢᤰᤘᤠ ᤐᤏᤢ᤹ᤏᤢ᤹ᤖ ᤕᤠ᤺ᤶᤒᤰ ᤆᤥ᤺ᤰᤔᤠ. 5ᤜᤧᤰᤁᤩᤠᤱ ᤗᤢᤱ ᤂᤰᤔᤠ ᤏᤢ ᤁᤠᤶᤔᤠ. ᤛᤡᤱ ᤗᤰᤔᤠ ᤂᤧᤒᤩᤠᤱ ᤁᤧᤖᤧᤰ ᤐᤖᤡᤰᤐᤠ ᤆᤥᤒᤣᤃᤢ ᤆᤥ᤺ᤰᤔᤠ ᤕᤠ᤺ᤶᤒᤰ ᤆᤥᤃᤢᤖ॥ 6ᤍᤠᤏᤖᤧ ᤁᤢᤎᤠ᤺ᤰᤁᤥᤒᤠ ᤀᤜᤡᤛᤠᤔᤠᤁᤧᤸᤗᤧ ᤁᤢᤛ᤻ᤛᤠ ᤀᤥᤜᤥᤗᤡᤀᤠᤒᤧᤴ ᤀᤠᤱᤃᤠ᤹ ᤂᤧᤴ ᤑᤠ᤹ᤖᤢᤖ ᤑᤠ᤹ᤀᤠᤱ ᤕᤢᤰᤋᤡᤱ ᤆᤥᤃᤢᤱᤅᤠᤱ ᤘᤠ᤹॥ ᤌᤧᤔᤠ ᤌᤧᤔᤠ ᤐᤠ᤺ᤴᤜᤠ᤹ᤀᤥ ᤁᤧᤖᤧᤰ ᤘᤣ᤹ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤜᤠ᤹ ᤀᤡᤱᤈᤠᤱ ᤐᤡᤖᤢᤱᤛᤡᤱᤅᤠᤱ ᤘᤠ᤹. ᤀᤠᤱᤃᤠ᤹ ᤂᤧᤱᤜᤠ᤹ ᤁᤴ ᤔᤢ ᤁᤧᤒᤵᤐᤠ ᤕᤠ᤺ᤶᤒᤰᤜᤠ᤹ ᤆᤥ᤺ᤰᤔᤠ ᤁᤧᤛᤢᤰᤐᤠ ᤆᤥᤃᤢᤱᤛᤡᤱᤅᤠᤱ ᤔᤧᤘᤠ᤹— 7ᤋᤢᤶᤔᤠᤍᤧᤴ ᤛᤠ᤺ᤱᤃᤠᤜᤡᤶ. ᤏᤢ ᤂᤧᤸᤗᤧ ᤁᤢᤍᤧᤵᤑᤣ᤹. ᤜᤧᤰᤁᤩᤠᤱ ᤛᤠ᤺ᤱᤃᤠᤜᤡᤶᤔᤥᤒᤠ ᤁᤧᤖᤧᤰ ᤛᤠᤔᤠᤐᤢᤔᤠᤜᤠ᤹— 8ᤆᤵᤋᤧᤴ ᤏᤢ ᤂᤧᤵᤔᤥᤒᤠ ᤛᤠᤔᤠᤜᤠ᤹. ᤛᤠᤶᤔᤩᤠᤱ ᤀᤡᤛᤣ᤺ᤱᤒᤠ ᤛᤣᤔᤡᤕᤢᤱᤍᤧᤴ ᤜᤧᤰᤁᤩᤠᤱ ᤂᤧᤵᤔᤥᤒᤠ ᤁᤧᤖᤧᤰ ᤛᤠᤔᤠᤜᤠ᤹. ᤂᤧᤒᤩᤠᤱ ᤛᤢᤰᤐᤠ ᤜᤠ᤺ᤶᤔᤠ ᤗᤧᤳᤋᤡ ᤋᤥ᤺ᤶᤔᤠᤍᤧᤴ. 9ᤔᤡᤎᤡᤱᤔᤏᤠᤍᤣᤔᤏᤠᤒᤠ ᤘᤕᤠᤃᤧᤴ ᤛᤡᤍᤢᤱᤈᤓᤠ ᤋᤥ᤺ᤶᤔᤠᤍᤧᤴ ᤏᤢ ᤂᤧᤵᤔᤥᤒᤠ ᤁᤧᤖᤧᤰ ᤛᤠᤔᤠᤐᤢᤔᤠᤜᤠ᤹. ᤘᤜᤵᤛᤡᤱᤔᤠ ᤇᤧ᤺ᤱᤃᤩᤠ ᤜᤧᤰᤁᤩᤠᤱ ᤂᤧᤸᤗᤧ ᤁᤢᤗᤠᤱᤜᤠ᤹— 10ᤑᤔᤏᤠᤒᤠ ᤆᤠᤱᤜᤠ᤹. ᤏᤡᤱᤘᤠ᤹ᤑᤢᤛᤠᤶᤒᤠ ᤜᤠᤖᤢᤏᤖᤧ ᤁᤢᤗᤠᤃᤡ ᤛᤢᤳᤌᤥ ᤆᤠᤱᤜᤠ᤹ ᤜᤧᤰᤁᤩᤠᤱ ᤂᤧᤸᤗᤧ ᤁᤢᤛ᤻ᤛᤠᤜᤠ᤹ᤖᤧ ᤏᤡᤱᤘᤠ᤹ᤑᤢᤛᤠᤶᤒᤠ ᤋᤠᤰᤑᤠᤀᤥ ᤔᤠᤱᤛᤧᤘᤠ ᤆᤥ᤺ᤰᤔᤠ ᤂᤢᤴᤇᤡ᤹ ᤆᤠᤱᤜᤠ᤹. 11ᤂᤶᤓᤩᤠᤱ ᤛᤣᤛᤣᤍᤧᤴᤏᤡᤸᤗᤧ ᤗᤠᤃᤡ ᤔᤠᤱᤌᤥ᤺ᤰᤏᤠ ᤐᤡᤔᤠᤛᤡ ᤏᤡ᤺ᤱᤃᤣ᤹ ᤏᤢ ᤁᤢᤏᤠᤶᤃᤧᤏᤢ᤹ᤒᤠ ᤛᤢᤰᤐᤠᤴ ᤂᤧᤱᤜᤠ᤹ᤖᤧ ᤔᤧᤈᤥᤃᤢᤖ॥ ᤀᤠᤱᤃᤠ᤹ ᤂᤧᤏᤧ᤹ ᤐᤡᤏᤧᤒᤠ ᤁᤧᤖᤧᤰ ᤀᤡᤱᤈᤠᤱᤜᤠ᤹ ᤁᤢᤀᤡᤛᤡᤰ ᤂᤧᤱᤜᤠ᤹ᤖᤧ ᤔᤧᤈᤥᤃᤢᤖᤖᤥ॥”
ᤏᤠ᤺ᤶᤛᤡᤱᤔᤠ ᤕᤧᤴ
12ᤂᤧᤒᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤔᤥᤛᤠᤴ ᤔᤧᤳᤋᤢ. 13“ᤂᤧᤏᤧ᤹ ᤀᤡᤛᤪᤠᤀᤡᤗᤡᤜᤠ᤹ ᤀᤰᤂᤣᤀᤠᤱ ᤔᤧᤳᤋᤧᤛᤧ᤹. ‘ᤂᤡᤏᤡ᤹ ᤛᤧᤰᤂᤠᤛᤠᤱ ᤀᤠᤱᤃᤠ᤹ ᤀᤠᤏᤠ᤺ᤶᤛᤡᤱᤔᤠ ᤕᤧᤴᤜᤠ᤹ ᤀᤡ᤺ᤳᤋᤧᤶ ᤏᤠ᤺ᤳᤋᤧᤶᤔᤧ᤹॥ ᤂᤡᤏᤡ᤹ ᤏᤢ ᤀᤠᤱᤃᤠ᤹ ᤗᤢᤶᤔᤥ ᤁᤴ ᤗᤳᤇᤠ ᤛᤍᤠᤍᤡᤱᤒᤠ ᤔᤡᤰᤛᤣᤴ ᤐᤥᤱ᤹. ᤀᤠᤱᤃᤠ᤹ ᤕᤜᤘᤣ ᤍᤠᤱᤒᤧᤸᤗᤧᤀᤣ ᤂᤡᤏᤡ᤹ ᤛᤣᤛᤣ ᤆᤥ᤺ᤰᤏᤡᤱ᤹ ᤑᤠ᤹ᤀᤠᤱ ᤂᤡᤏᤡ᤹ ᤏᤡᤱᤘᤠ᤹ ᤂᤥᤛᤧᤶᤔᤧ᤹॥
14“‘ᤏᤠ᤺ᤶᤛᤡᤱᤔᤠ ᤕᤧᤴᤏᤡᤴ ᤂᤡᤏᤡ᤹ ᤏᤧᤳᤋᤧᤶᤔᤧ᤹. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤗᤠᤃᤡ ᤁᤴ ᤛᤣᤛᤣ ᤆᤥᤰ॥ ᤁᤴ ᤀᤠᤛᤢᤳᤌᤥ ᤁᤧᤈᤥ᤺ᤰᤐᤠᤴ ᤁᤢᤔᤏᤠᤜᤠ᤹ᤗᤠᤶ ᤔᤧᤗ᤺ᤳᤋᤢ ᤔᤧᤍᤣᤛᤢᤖᤖᤥ॥ ᤀᤠᤳᤋᤡᤴ ᤀᤠᤳᤋᤡᤴᤜᤠ᤹ᤖᤧ ᤂᤧᤸᤗᤧ ᤕᤠ᤺ᤴᤍᤡᤰ ᤕᤠ᤺ᤶᤒᤰ ᤔᤧᤈᤥᤃᤢ᤹ ᤂᤧᤱᤜᤠ᤹ ᤂᤢᤴᤇᤡ᤹ ᤔᤏᤠᤜᤠ᤹ᤖᤧ ᤔᤧᤏᤠ᤹ᤖᤢᤛᤡᤒᤠ ᤔᤧᤒᤥᤱ᤹॥ 15ᤋᤢᤰᤛᤡ ᤕᤧᤴ ᤌᤠᤖᤡᤰ ᤕᤠ᤺ᤶᤒᤰ ᤜᤧᤴᤕᤠ ᤔᤧᤈᤥ᤺ᤰᤗ. ᤁᤖ ᤏᤢᤛᤡᤃᤣᤰᤐᤠ ᤏᤠ᤺ᤶᤛᤡᤱᤔᤠ ᤛᤒᤠᤌ ᤕᤧᤴᤏᤡᤴ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤗᤠᤃᤡ ᤛᤣᤛᤣᤒᤠ ᤆᤥᤰ॥ ᤀᤠᤳᤋᤡᤴ ᤀᤠᤳᤋᤡᤴᤜᤠ᤹ᤖᤧ ᤏᤠ᤺ᤶᤛᤡᤱᤔᤠ ᤛᤒᤠᤌ ᤕᤧᤴᤏᤥ ᤕᤠ᤺ᤶᤒᤰ ᤔᤧᤈᤥᤰ ᤂᤧᤱᤜᤠ᤹ ᤛᤧᤵᤔᤠᤛᤡ ᤐᤥᤱ᤹॥ 16ᤀᤡᤛᤪᤠᤀᤡᤗᤡᤜᤠ᤹ᤖᤧ ᤏᤠ᤺ᤶᤛᤡᤱᤔᤠ ᤕᤧᤴᤏᤡᤴ ᤔᤧᤏᤧᤳᤋᤢᤖ. ᤜᤧᤰᤁᤩᤠᤱ ᤂᤧᤴ ᤕᤧᤴᤏᤡᤴ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤁᤧᤖᤧᤰ ᤌᤠ᤺ᤰᤁᤥ ᤆᤰᤔᤧᤸᤗ᤹ᤔᤏᤠᤒᤠ ᤔᤠᤱᤜᤢᤵ ᤁᤢᤀᤡᤛᤡᤰ ᤔᤧᤀᤡ᤺ᤳᤋᤢ ᤔᤧᤏᤠ᤺ᤳᤋᤢᤖ ᤐᤥᤱ᤹॥ 17ᤀᤠᤱᤃᤠ᤹ ᤏᤢ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤂᤢᤴᤇᤡ᤹ ᤗᤢᤶᤔᤥ ᤂᤧᤴ ᤛᤍᤠᤍᤡᤱᤗᤧ ᤗᤠᤃᤡ ᤗᤳᤇᤠ ᤔᤡᤰᤛᤣᤴ ᤐᤥᤱ᤹. ᤌᤣᤀᤠᤱᤓᤧᤸᤗᤧ ᤕᤜᤘᤣ ᤍᤠᤱᤒᤧᤸᤗᤧ ᤋᤢᤰᤛᤡ ᤕᤧᤴᤜᤠ᤹ᤀᤥ ᤋᤖ᤺ᤱᤍᤡᤱ ᤋᤠᤱᤛᤠᤱ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤆᤥᤃᤢ. ᤁᤖ ᤏᤢᤛᤡᤃᤣᤰᤐᤠ ᤕᤧᤴᤏᤥ ᤂᤢᤏᤧ᤹ ᤕᤠ᤺ᤶᤒᤰ ᤆᤥ᤺ᤰᤔᤠ ᤗᤧᤖᤢᤀᤠᤱ ᤏᤠ᤺ᤶᤛᤡᤱ॥’”
18ᤛᤡᤏᤤ ᤁᤥ᤺ᤰᤔᤠᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤥᤛᤠ᤺ᤴᤏᤢ ᤐᤠ᤺ᤵᤔᤠ ᤛᤢᤖᤢᤀᤠᤱ. ᤀᤠᤒᤠᤅᤣ ᤁᤢᤜᤢᤰᤁᤡᤸᤗᤧ ᤛᤠᤵᤋᤢᤒᤠ ᤏᤧᤳᤇᤡ ᤛᤠᤵᤗᤢᤱᤜᤠ᤹ ᤂᤢᤏᤧ᤹ ᤔᤥᤛᤠᤴ ᤐᤡᤖᤢᤖᤥ॥
Currently Selected:
ᤗᤠᤶᤍᤡᤰ 31: LIFOTNT
Highlight
Copy
Compare
Share
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.
