Popular Bible Verses from Lǔka 6

Share

Ǐpa̤ kòyò, dě Cǒmara ǐ pa̤lè̌ sî pě. Cǒmara to̤beco lò̤gulò̤wṳ̂shǔ sî pě, ma̤tè̤hî̌dě, Cǒmara to̤shǔ bǎ sî pwǐ sî to̤bǎ kònu pě.”

Kòyòwǒ tapwa̤nu a hî̌bǎhtò̌pwǎ ta̤wǒ ǒ nû̌û sò̌phlǒkûnu toǒ. Kòyòphû̌mò̤ tapwa̤nu, a hî̌bǎhtò̌pwǎ ta̤phû̌mò̤shî̌hto ǒ nû̌û sò̌phlǒkûnu toǒ. Kòyònu a sò̌phlǒkû ǒbetî̌pî̌ pwî̌tèdě akhû̌phě gû hî̌bǎhtò̌ kû̌pwǎ hǐnu.

Tobǎ ma̤ hǐnu tò̤! Mo̤ǐ sî khuwè̤nu toǒ dě ma̤wǒbǎ asînu. Ǐbǒ ta̤ dě kè̌shuǐ pûta nî̤bǎ gesǒ ta̤tacǎ꤮ ma̤. Sî dè ma̤hǐnu hî̌dě Cǒmara howi̤hî̌wǒ sî pě, sî dè ǐbǒ kò dě sî kè̌shuǐ ta nî̤bǎ gesǒ ta̤ dǐcǎ꤮ tò̤ hî̌numî̌ kò kè̌shǐ sî ta ahtò̌yî̤gutṳ̌ Cǒmara aphû̌mǔphû̌khû sîtoǒ pě, ma̤tè̤hî̌dě Cǒmara ma̤wǒshǔ kòyò htě a sî̌yashǔ kû̌ kòbwǐkòsîrî tò̤nu toǒ ta kòyò htě ajîphû̌mò̤ tû̌ayanu toǒ.

Sî bǎ gwèbǎǐ kû̌kò pwǐ sîpha Cǒmara gwèbǎǐ kònu.

“Hî̌bǐhî̌ǒ pûma̤ kò ma̤, gènè̤bǐaǒ pûma̤ kò ma̤. Sî dè hî̌bǐhî̌ǒ kò tò̤, gènè̤bǐaǒ kò tò̤ hî̌numî̌ Cǒmara ma̤ geshǔ sî ta ali̤ tò̤. Bè̌pûma̤ kò ta̤sǔ ma̤, dě Cǒmara bè̌nǒ sî ta̤sǔ tò̤. Bòlû̌ kòta̤sǔ nî̌, dě Cǒmara bòlû̌nǒ sî ta̤sǔ pě.

“Pwǎ̤ta sî dè sò̌yṳ gana̤de hî̌dě he sò̌yṳ pwe̤ǐnṳ bǎ sî ta̤toǒ, mo̤ǐ lǒkho kòyò htě a sò̌khě sînu toǒ dě ma̤wǒshǔ kòyò htě a sò̌khě sînu toǒ nî̌꤮. Howi̤ kòyò htě a ǐsho sînu toǒ, dě kwisaba bǎ kòyò htě a ma̤ phû̌mò̤shî̌hto sînu toǒ aya nî̌꤮.

Ma̤ bǎ kò pwǐ sî sò̌yṳ noma̤ kò ta sîna̤nu nî̌꤮.

Kòyò tapwa̤pwa̤ dè pla̤ na nò̌shî̌ tokho dèhî̌dě ǐ pla̤po̤ yǎ htě a ǒkènu tokho nî̌꤮. Kòyò tapwa̤pwa̤ dè phî̌sigwi na hǐdokhlo dèhî̌dě, nophî̌cû̌nṳpo̤ yǎ ta nahǐdo akûnu tṳpṳ nî̌꤮. Ûpèpè̌ bǎbǎ a dè kwi nata̤ tacǎcǎ hî̌dě ǐpa̤ yǎ dě bǎ kòyò tapwa̤pwa̤ phî̌ nata̤ tacǎcǎ akhanu, kwi gesǒ pûma̤ yǎ ma̤ nî̌꤮.

“Sǒmṳwî̤ tṳmṳnu asǎhtò̌ sǒsǎ htě awî̤tò̤nu aǒtò̤. Hǐnudě sǒmṳwî̤tò̤ tṳmṳnu asǎhtò̌jò sǒsǎ awî̤ tò̤.

Lǎlǎ꤮ na kè̌pwǎ asǎnǔ꤮ na sî̌yajòpwǎ amṳ. Kò cû̌běǎ dǐshisǎ dě ta̤shî̌shǒmṳ alo̤ dǐpwǎ̤꤮ tò̤. Hǐnudě kò cû̌běǎ sobîsǎ dě jojijopò̤lo̤ dǐpwǎ̤꤮ tò̤.